串 (Closed)

當無餐廳再開放堂食嘅時候，我地就搵下附近有咩外賣，聞到呢條街勁香串燒味，而且菜式都好吸引！一口氣叫咗好多款串燒拎走慢慢嘆～燒茄子係必叫的～逐條茄子肉撕出黎都有滿滿嘅蒜蓉香，好惹味，但偏辣～仲有啲燒粟米，翠肉瓜同秋葵等蔬菜，好味～蒜蓉娃娃菜同蒜蓉菇，一人一盒勁滿足！肉類有台灣腸，好特別！鰻魚都唔錯～串燒必叫鹽燒厚切牛脷，好juicy! 仲有金菇肥牛卷～香草羊架同滋味一口羊，有水準！肉質香嫩！除咗串燒，呢度仲有啲小食，有雞泡魚干，燒得幾軟熟～麻辣土豆絲，酸酸辣辣幾開胃！拍青瓜，辣得過癮！手撕雞，都係偏辣，但好好味！