韓舍 (Closed)

今日又系旺角食飯，今餐選擇韓舍因爲呢間有好多野食，可以打邊爐，又有刺身，壽司，熟食，甜品，雪糕等。有幾種湯底我地選擇養生鍋。養生鍋里有一隻雞，雞肉肉質嫩，湯底鮮甜又濃厚用料十足。蟹柳壽司好鮮甜又大大塊，壽司飯又軟熟，鰻魚卷又好味。三文魚，北寄貝，希靈魚，帶子等全部好新鮮，三文魚好肥美。有豬，羊，牛肉任食。火鍋配料有很多，有丸，腸仔，牛栢葉，蜆，午餐肉，魷魚等。又有好多蔬菜可以拎，放落湯底可以索晒湯的精華。冷盆汽水任飲熟食豬腳薑好夠味，豬腳夠淋蛋又好入味好香口。布甸又不會太甜好美味。