三五碗車仔麵

Open Now

Now Closed

是晚好大雨，同朋友交收完搵個地方食野，見有間叫三五碗車仔麵店，店員熱情拉客，就試下佢啦。睇睇餐牌，除左車仔麵，仲有串燒、撈麵、小食等，都幾多選擇。⭐車仔三餸麵自己點左三餸麵，揀左鹵水豬大腸、菜肉雲吞、扁尖筍，湯底就要左招牌胡麻辣湯同米粉，上枱時聞到好香，湯頭鹹鮮微辣啱口味喎，米粉吸左湯汁好好味😋⭐口水雞油渣重慶酸辣粉朋友揀左油渣麵，重慶湯底酸酸辣辣好開胃，豬油渣炸得酥脆香口幾正呀。口水雞雞肉嫩滑，但口味有點怪，用上口水雞汁又加了芝麻醬，辣得黎又有沙律感覺，哈哈，好特別喎😆⭐炸洋蔥圈朋友至愛炸洋蔥圈，即叫即炸夠好香脆👍⭐燒羊架燒 & ⭐五花腩串仲叫左串燒添，羊架肉嫩有酥香，五花腩豬油甘香好正🤤⭐燒生蠔製作需時的燒生蠔姍姍來遲，見佢大大隻蠔肉飽滿仲勁有蒜香，食落鮮嫩多汁好正呀😍⭐凍阿華田 & ⭐凍好立克食重口味野梗係要配返杯甜甜嘅凍飲啦，沖得夠濃，好飲。食左咁多野好飽好滿足呀。