Video
Read full review
2018-02-24
44 views
喜歡食特色野嘅我，最近發掘左呢間位於灣仔主打撈麵嘅餐廳，今日難得準時放工，所以決定同朋友黎試下。可能因為係商業區嘅關係，晚飯時候唔算多人，我地七點幾到餐廳都未需要等位。雖然餐牌上有唔少套餐，但係為左選擇更加多元化，我地揀左單點。餐廳嘅餐具都算幾新淨，最吸引我嘅當然係有公雞圖案嘅碗碟啦。漂爽海蜇皮伴香辣順風耳小青瓜:呢碟前菜非常精緻，賣相相當吸引，有海蜇，豬耳同埋青瓜。海蜇拌左麻油之後非常之香，豬耳亦都整到好似肴肉咁，一塊一塊咁令人食過不停。至於青瓜，味道微辣，入口清爽。炸醬雲吞撈麵:由於餐廳有名叫「薈麵館」，咁當然出名食麵架啦。眼見餐牌內有各式各樣嘅撈麵，令我覺得我點都要叫返碟黎食。由於自己好鍾意食炸醬同埋雲吞，所以一於叫呢個雙拼組合。撈麵上檯時會配上清湯，幼麵撈入炸醬，拌上湯食，唔會扭作一團，好容易同朋友分享。味道方面亦都非常惹味，配埋皮薄餡多嘅雲吞食，好有口感，非常好味。五柳醬酥炸雲吞:有別於一般嘅錦鹵雲吞，五柳醬酥炸雲吞係用春卷皮整成，所以用油炸過後都唔會起氣泡，亦都炸得非常鬆脆，餡料雖然唔多，但恰到好處，點埋極之惹味嘅五柳醬，入口酸酸甜甜，非常開胃。香軟懷舊馬拉糕:馬拉糕熱辣辣
可能因為係商業區嘅關係，晚飯時候唔算多人，我地七點幾到餐廳都未需要等位。雖然餐牌上有唔少套餐，但係為左選擇更加多元化，我地揀左單點。
餐廳嘅餐具都算幾新淨，最吸引我嘅當然係有公雞圖案嘅碗碟啦。
漂爽海蜇皮伴香辣順風耳小青瓜:呢碟前菜非常精緻，賣相相當吸引，有海蜇，豬耳同埋青瓜。
海蜇拌左麻油之後非常之香，豬耳亦都整到好似肴肉咁，一塊一塊咁令人食過不停。至於青瓜，味道微辣，入口清爽。
炸醬雲吞撈麵:由於餐廳有名叫「薈麵館」，咁當然出名食麵架啦。眼見餐牌內有各式各樣嘅撈麵，令我覺得我點都要叫返碟黎食。
由於自己好鍾意食炸醬同埋雲吞，所以一於叫呢個雙拼組合。
撈麵上檯時會配上清湯，幼麵撈入炸醬，拌上湯食，唔會扭作一團，好容易同朋友分享。味道方面亦都非常惹味，配埋皮薄餡多嘅雲吞食，好有口感，非常好味。
五柳醬酥炸雲吞:有別於一般嘅錦鹵雲吞，五柳醬酥炸雲吞係用春卷皮整成，所以用油炸過後都唔會起氣泡，亦都炸得非常鬆脆，餡料雖然唔多，但恰到好處，點埋極之惹味嘅五柳醬，入口酸酸甜甜，非常開胃。
香軟懷舊馬拉糕:
馬拉糕熱辣辣, 入口層層鬆化柔軟，亦帶香濃嘅蛋味。
流汁叉燒包:
比係一般酒樓，呢度嘅叉燒包包皮夠薄，餡料好足，輕輕搣開叉燒包，餡料就會慢慢流出，的而且確係「流汁」。
晶瑩鮮蝦餃:
蝦餃一籠四隻，皮都算薄而且帶點黏性，鮮蝦爽口彈牙而且多汁，每一粒都非常飽滿，以$9一隻黎講真係性價比高。
食左咁多野，埋單都唔洗300蚊，仲可以慢慢坐去品嚐美食，咁嘅價錢，算係性價比高。
Post
