Video
Read full review
2018-12-01
911 views
我印象中炮台山嘅街坊係每當炮台山開新店就會衝過去試，而我都唔執輸店舖頗細，舖面得十幾個位 (後來行入去拎野食先發現入面仲有幾張高檯😅)，好似快餐店咁要自己霸位買飛同拎野食，都幾麻煩。價錢都唔平，晚市全部要散嗌。晚市8點已經冇晒最平嘅所有蒸飯。聽到有食客埋怨冇蒸飯，我偷聽到個收銀話啲蒸飯日日蒸唔過夜所以唔煮太多。花膠螺片燉雞$68蘿蔔燜牛筋腩飯$42紅酒燴牛腩飯$38客飯嘅賣相都幾頹，份量冇茶餐廳嘅碟頭飯咁多，但味道取勝，好味過茶餐廳嘅好多。蘿蔔燜牛筋腩飯，好稔好入味好易入口。紅酒燴牛腩飯，酸酸甜甜好開胃。平時都好鍾意去炮台山地鐵站出口嘅鴻福堂買湯包飲，今次第一次來呢間舖試試燉湯，睇吓有咩分別。呢間鋪頭標榜係用靚料，唔加味精，唔加雞粉。嘩，我試第一啖燉湯，個湯勁淡味，冇鹹味，亦都冇乜材料味，好清澈、味好淡，我真心相信係冇加味精冇加雞粉...同鴻福堂勁濃嘅湯包味道完全好唔同，原來燉湯係咁嘅味🙄 唔知呢啲係咪就係傳說中嘅原汁原味。後來我幾乎飲晒啲湯之際，隔離檯食客向我搭訕話呢度嘅湯係要自己調味的，鹽就喺佢枱面... (我張檯冇鹽囉😂) 唔講真係唔知😑來幫襯呢間鋪頭嘅人年紀都有返咁上下，而且都
店舖頗細，舖面得十幾個位 (後來行入去拎野食先發現入面仲有幾張高檯😅)，好似快餐店咁要自己霸位買飛同拎野食，都幾麻煩。價錢都唔平，晚市全部要散嗌。晚市8點已經冇晒最平嘅所有蒸飯。聽到有食客埋怨冇蒸飯，我偷聽到個收銀話啲蒸飯日日蒸唔過夜所以唔煮太多。
98 views
0 likes
0 comments
花膠螺片燉雞$68
蘿蔔燜牛筋腩飯$42
紅酒燴牛腩飯$38
客飯嘅賣相都幾頹，份量冇茶餐廳嘅碟頭飯咁多，但味道取勝，好味過茶餐廳嘅好多。
蘿蔔燜牛筋腩飯，好稔好入味好易入口。
紅酒燴牛腩飯，酸酸甜甜好開胃。
平時都好鍾意去炮台山地鐵站出口嘅鴻福堂買湯包飲，今次第一次來呢間舖試試燉湯，睇吓有咩分別。呢間鋪頭標榜係用靚料，唔加味精，唔加雞粉。嘩，我試第一啖燉湯，個湯勁淡味，冇鹹味，亦都冇乜材料味，好清澈、味好淡，我真心相信係冇加味精冇加雞粉...同鴻福堂勁濃嘅湯包味道完全好唔同，原來燉湯係咁嘅味🙄 唔知呢啲係咪就係傳說中嘅原汁原味。後來我幾乎飲晒啲湯之際，隔離檯食客向我搭訕話呢度嘅湯係要自己調味的，鹽就喺佢枱面... (我張檯冇鹽囉😂) 唔講真係唔知😑
來幫襯呢間鋪頭嘅人年紀都有返咁上下，而且都比較多嘴。
個收銀係咁同啲食客吹水，我比緊錢嗰陣佢同三個食客吹緊水，幾乎唔記得找錢同埋比張單我。😐後來聽到有個食客向佢投訴啲食物質素，佢就表示自己係呢度嘅老闆。
話說有個食客投訴話佢碗湯裏面冇花膠，之後個老闆就好嬲咁表示自己呢度做生意係真材實料，就算要報警佢都唔怕，之後仲吩咐廚房拎盒浸緊嘅花膠出嚟show俾佢睇，又表示呢度佢唔係用咩平價鱈魚花膠，佢哋係用非洲鱸魚花膠，成兩千蚊一斤。🤭我真係多謝嗰位投訴嘅食客，因為頭先飲緊花膠湯嘅時候，我都已經預咗呢啲花膠唔方會係咩貴野來架喇，只不過最驚係啲唔知咩來源嘅花膠，我又唔識分辨。而家我不費吹灰之力，就由老闆嘅親自口中得知呢啲係咩花膠了。呵呵！！🤪
食物唔錯，但唯一缺點係冇乜服務，需要全部自己買飛、拎嘢食、甚至收枱。
Btw，呢條街嘅食店轉手率都幾高，但我睇得起佢可以做落去，因為呢一區嘅街坊都願意俾多啲錢去食啲比較高質素嘅食物。睇嚟鴻福堂有難了哈哈。
#支持小店
Post
