添喜冰室 (Closed)

今日有事晏左起身，點幾鐘係時候出去搵嘢食，行過見到有間冰室好似好新淨，就入去食個快飯。 我諗呢間餐廳係新開嘅，非常光猛，座位都舒服，唔會太過逼夾。望望個Menu，除咗平時成日叫得多嘅常餐之外，仲有好多唔同菜種選擇，好似日式同西式咁樣，仲有全日早餐供應添！由於太多選擇，真係揀咗好耐先搵到心水，最後我揀咗個菠菜蟹子三文魚意粉，朋友就揀咗鰻魚滑蛋飯。雖然係一間冰室，但係對於擺盤絕對唔馬虎，睇吓個菠菜蟹子三文魚意粉放得幾靚又有層次，估唔到小小冰室呢方面都會做得咁仔細，真係眼睛先食。👀另外仲叫咗個鰻魚蛋飯，鰻魚配上甜甜嘅鰻魚汁，加上煎得香滑嘅雞蛋，仲有沙律菜做伴碟，都係一個唔錯嘅選擇。呢度仲有唔同嘅傳統飲品，有黑牛，雪糕紅豆冰，雪山菠蘿冰等等⋯我就叫咗個黑牛，唔好睇佢只係朱古力雪糕加可樂，喺冰室飲呢款飲品真係特別有感覺 ，細個嘅時候係好奢侈嘅飲品嚟， 但係而家喺呢度加少少錢就已經有得飲我鍾意呢間冰室比較乾淨又光猛，食物選擇多樣化，又係一個抵食嘅選擇！