味道樂居酒屋 (元州街) (Closed)

去了長沙灣，見到有間日本居酒屋，餐牌見好多選擇，先食居酒屋必叫的味淋魚干$48，好甜好香口，厚肉。因午餐食唔飽，好肚餓之濟，叫了個醫肚主食先，火炙帆立貝蟹膏卷$88，面鋪了洋蔥絲夾埋香濃蟹膏同火炙帆立貝，一個名貴的反卷，新穎配搭，內裡卷了蟹柳同青瓜絲。另一小食點了鐵板上的煙肉櫻花蝦煎廣島蠔$98，大量櫻花蝦，好鮮甜，加上煎香的廣島蠔，可以保持蠔仔熱度唔會腥，還有月土蠔味濃郁，加上鮮味十足，上面鋪有大量嘅櫻花蝦同埋煙肉一齊食 ，鮮上加鮮，非常惹味。七味唐揚炸雞$58每塊雞件都炸得乾身，炸粉唔多，炸至金黃色，黑蒜黑豚肉卷$48，豚肉係半肥的腩肉片，搽了黑蒜醬油，鹹味較重，豚肉爽口，響其他居酒屋好少見呢款串燒，好創新。芝士免治雞肉棒$58估唔到肉裡面有雞軟骨，有嚼口，加上芝士味濃厚。醬黑松露和牛炒飯$58和牛肉味香，有蔬菜粒，黑松露味香噴噴，飯粒夠乾身。