Video
Read full review
2023-01-19
1137 views
日式木系裝潢，座位寬敞，最緊要係油煙味唔大‼️每日有唔同激安優惠，和牛都有減價，7:30pm前埋單仲有折，性價比高。燒肉套餐 $538肉方面有齊日本和牛、普通牛、海鮮、豬同雞，每款都有獨特既調味，幾有新鮮感。連加一，每人$300有找，銅鑼灣區黎講，性價比高。🥙前菜：櫻花玉子伊勢海老：推薦‼️海老肉彈牙，玉子嫩滑，配上帶少許wasabi 味既芝麻醬，口感豐富。黑醋松葉蟹腳紙米卷：包上炸蟹腳同大量青瓜、蘿蔔絲，配埋黑醋好開胃。🥗沙律：和風牛舌沙律：牛舌厚切，入口爽彈。仲加入椰果粒，幾特別。🍽盛合:海鮮反而有驚喜‼️北海道帆立貝都算大隻，去左帶子邊位，食落一啲都唔靭，香草牛油味道濃郁；七輪燒活蛤鮮甜多汁，一開殼就見到漲卜卜；柚子岩鹽燒虎蝦調味特別，為燒烤中途refresh下。牛肉最推薦秘製燒汁牛肋骨，燒汁帶點蜜香，此部位有齊油花、筋膜、同肉香，亦係全盤最濃牛味的；澳洲M9和牛油花中上，厚切入口軟滑；中意油潤口感既會中意日本A4黑毛和牛；五色胡椒一口牛舌調味唔算突出，建議燒到每邊變色即食！厚切貴族黑豚肥瘦相簡，脂肪位烤到溶化爆脂，肉質都唔乾柴；柚子胡椒雞腿肉入口有柚子清香，又帶胡椒既辛辣，有驚喜！香
每日有唔同激安優惠，和牛都有減價，7:30pm前埋單仲有折，性價比高。
燒肉套餐 $538
肉方面有齊日本和牛、普通牛、海鮮、豬同雞，每款都有獨特既調味，幾有新鮮感。連加一，每人$300有找，銅鑼灣區黎講，性價比高。
🥙前菜：
櫻花玉子伊勢海老：推薦‼️海老肉彈牙，玉子嫩滑，配上帶少許wasabi 味既芝麻醬，口感豐富。
黑醋松葉蟹腳紙米卷：包上炸蟹腳同大量青瓜、蘿蔔絲，配埋黑醋好開胃。
櫻花玉子伊勢海老
26 views
0 likes
0 comments
🥗沙律：
和風牛舌沙律：牛舌厚切，入口爽彈。仲加入椰果粒，幾特別。
🍽盛合:
海鮮反而有驚喜‼️北海道帆立貝都算大隻，去左帶子邊位，食落一啲都唔靭，香草牛油味道濃郁；七輪燒活蛤鮮甜多汁，一開殼就見到漲卜卜；柚子岩鹽燒虎蝦調味特別，為燒烤中途refresh下。
北海道帆立貝
18 views
0 likes
0 comments
牛肉最推薦秘製燒汁牛肋骨，燒汁帶點蜜香，此部位有齊油花、筋膜、同肉香，亦係全盤最濃牛味的；澳洲M9和牛油花中上，厚切入口軟滑；中意油潤口感既會中意日本A4黑毛和牛；五色胡椒一口牛舌調味唔算突出，建議燒到每邊變色即食！
澳洲M9和牛
18 views
0 likes
0 comments
厚切貴族黑豚肥瘦相簡，脂肪位烤到溶化爆脂，肉質都唔乾柴；柚子胡椒雞腿肉入口有柚子清香，又帶胡椒既辛辣，有驚喜！
香草牛肉粟米燒：店員建議先用爐烤一烤先煮，粟米粒粒漲爆。
香草牛油粟米燒
32 views
0 likes
0 comments
🍚碗物: 黑松露和牛炒飯炒到乾身，入口鬆散開先食到淡淡既松露味，和牛同蔬菜粒切到好好細粒😂佩服師傅既刀工。
🍮甜品: 自家制牛乳凍有奶香夠滑
自家制牛乳凍
5 views
0 likes
0 comments
Post
