立鮨 (金馬倫廣場)

Open Now

Now Closed

最鍾意食壽司，晚餐經過想食壽司，一於買返屋企食！特選三文魚盛合$58三文魚壽司、三文魚腩壽司、火炙三文魚壽司、三文魚小卷、辣味三文魚軍艦呢個係鍾意食三文魚嘅人必叫。因為全部都係三文魚～三文魚肥美；三文魚腩更加多油脂，咬落口感滿足！火炙三文魚，有火炙香，另外配有三文魚小卷，細細啖唔錯。辣味三文魚軍艦紫菜新鮮整，夠香脆。海之幸盛合$152呢個高質，超豐富！有北海道帶子壽司，帶子厚切鮮甜。珍寶甜蝦壽司，大大隻甜蝦又係好鮮甜。活象拔蚌壽司，大隻得來爽口唔會腥。海膽壽司我最鍾意食，夠鮮甜。牡丹蝦壽司，蝦身厚肉有海水鮮味。