山見 (創紀之城五期(apm))

Open Now

Now Closed

今次帶大家去觀塘APM食山見台式火鍋，今次我哋叫咗兩個湯，美人鍋同埋椰子雞。首先講嗰個湯底，美人鍋比較濃味偏鹹，比較適合配合肉類一齊食。椰子雞偏甜，蓋過咗椰子味同冇乜雞味，勝在食物煮完之後會有湯嘅甜味，食落唔會膩。去小食有好多款有梅子雞有滷肉飯有炸嘢，款式繁多可以慢慢揀，最啱鍾意乜都試啲嘅人嚟食！最特別嘅係佢有台灣特色嘅小食，好似蔥油餅蚵仔煎咁，好似真係去咗台灣旅行咁肉類方面要睇你揀咩價錢嘅餐，本人對於任食火鍋嘅牛肉要求唔太高，所以揀咗一個偏中間價錢嘅餐，牛肉選擇唔多，有兩三款，但係食落都OK有牛味最後甜品有雪糕有cheese cake但選擇未叫好多，但係都叫好食嘅，所以overall呢間任食火鍋價錢嚟講係值得食，性價比都幾高！