Dodam Chicken (利舞臺廣場)

Open Now

Now Closed

餐廳由韓國人打理，專門食焗烤雞及炸雞，亦有多款韓國藻菜及新推出甜品。環境寬落，而且服務唔錯。大約晚市7點半到，已經坐滿哂人，所以想食就最好book定位。叫左原味焗烤雞($178)，烤芝士豬肋骨($208)，柚子yogurt smoothie($58)。原味焗烤雞色澤光令，大約有10幾件，每件既外皮烤到好脆，多汁，而且肉質嫩滑，一d都唔乾。加上以焗烤方式烹煮，所以唔熱氣。即使係原味，但係有特別醃過。加埋酸蘿蔔一齊食，亦可以加蜜糖芥末醬，酸甜辣醬，非常惹味。烤芝士豬肋骨有7件豬肋骨，配上熱溶芝士，趁熱既時候，就要攪拌，令每件豬肋骨都有芝士包圍住。唔識卷既話，侍應會幫你及教你，好好服務。芝士拉絲，而且份量剛剛好，食完唔膩。加埋沙律菜做伴碟，仲有d芝士片及芝士粉，3種唔同款既芝士，一流。有得食，有得玩下，自己動手卷。飲品選擇亦多，有酒精有非酒精。尼杯柚子yogurt smoothie望落好似好普通，但其實有大量柚子，飲前攪一攪，既有香濃柚子味，亦有dd好碎既冰，好fresh。整體，即使原味烤雞都有香濃既味道，而且環境大坐得舒服，背景音樂唔會過大，所以傾計唔駛特登要大聲講。