和順記 (碧街)

Open Now

Now Closed

炸雞脾係我童年其中一樣老是常出現嘅食物，中午時鍾意配腸仔茄汁，下午茶就要搭什果沙律，仲要舊式港式茶餐廳嘅出品先有嗰種味道(係因為萬年油哈哈？)。留意到另一半屋企附近有一小店自稱「神級雞脾皇」，平時只做到六點，終於有一日的起心肝中午去試吓。生炸雞脾王煎蛋飯 $48上檯時真係嚇一嚇，炸脾果然對得住「雞脾皇」個名，隻蛋即時變咗做鵪鶉蛋。雞脾切開後肉汁緩緩流出，肉質嫩滑，外皮香脆，高質。另外叫炸脾仲可以自選汁，有咖哩、黑椒等等，我揀咗瑞士汁，汁醬香料味濃，甜甜地好食。首創麻辣煎雞扒飯 $48相比之下雞扒飯顯得迷你，雞扒同樣juicy脆身，不過原來麻辣汁同雞扒係分開，如果可以喺醃料上都加入少少麻辣元素可能會更融合。