和順記 (碧街)

Open Now

Now Closed

作為一名孤獨的大食家，見到如此香口美食怎能逃得過小人的五指山！😃炸雞脾煎蛋飯，有人說邪惡至極點，卻怎教人可以自拔？重點當然要落在那一大隻神級炸脾之上，無需要好像美食節目或是網絡達人推介之類，要用塊面去比拼，總之是極級的大隻！表皮亦不需要無聊地似是做節的對住個咪狂咬的樣子，慌死人聽唔到！回說炸聛，外皮是極度香脆，肉嫩而多汁，番尋幾百回味也不夠！荷包蛋不理外觀或食味都不知如何形容！炸脾即使如何的邪惡，都仍然是這餐的靈魂！

今日專登過嚟油麻地試吓網上吹到好勁嘅呢間📍「和順記」【生炸雞腿皇煎蛋飯🍗】隻雞腿炸得金黃色，外皮真係幾脆口，咬落索索聲，呢點抵讚！👍 不過肉質我就嫌佢太乾身，唔夠多汁，主要係靠沙嗲汁吊味囖，沙嗲汁就帶少少花生香，唔算好突出，同預期中「濃郁惹味」有啲落差啦😕 整體嚟講就中規中矩，又未到難食嘅地步，但同網上嘅「神級評價」比，真係有段距離……🤔煎蛋 係太陽蛋🍳蛋黃流心撈飯食幾正🍚跟餐嘅 咖啡☕ 就典型港式風味咖啡味偏淡奶香一般，冇乜特別🤷‍♂️

今次嚟油麻地嘅和順記食超多明人推薦嘅港式fusion菜❣️ 呢度有多款老闆自創嘅地道菜式，超吸引，大熱天時都排晒隊🤩 （佢仲有其他分店比較少人）🍗 麻辣汁生炸大雞髀杯麵套餐老闆自創大雞脾杯麵套餐，「杯麵」其實係自己煮嘅咖喱海鮮麵🍜 好味過普通杯麵多多聲🤪 生炸大雞脾係呢度嘅招牌！雞脾勁大隻、勁多肉、勁多汁💦 記得加埋周中師傅都愛嘅自家製炒麻辣醬🌶️ 香脆爽口一次過😍 🐷 豬扒西多士西多士新鮮出爐！上面佈滿煉奶同牛油，切開仲有流心芝士🧀，十級邪惡呀😈 加上炸豬扒嘅香口，竟然做到鹹甜得宜又唔會濟！🐠 豉椒蒸龍躉最後我哋仲叫咗個蒸龍躉，估唔到呢庿嘅龍躉都蒸得咁好食，仲要入味又抵食😍

約11:30來到和順記, 一心想吃生炸雞髀, 可惜要等下午茶時段才供應。因實在餓了, 欲改吃藥膳黑毛豬潤牛肉麵, 但被告知也是下午茶時段才供應, 唯有下午茶時段再來光顧。約14:15再訪, 因小店本身座位不多, 已座無虛席, 幸好不用久等, 便被安排入座。精選下午茶1) 生炸雞髀薯條 (細脾) $412) 紅豆冰 $10生炸雞髀薯條的雞髀為細脾, 手掌大小, 雞皮炸得脆口, 肉質juicy嫩滑, 實在不錯。薯條亦是我喜愛的風琴薯條, 脹卜卜的, 可惜份量略少, 吃畢有點空虛感, 爭扎要不要多叫一碗藥膳黑毛豬潤牛肉麵, 想著想著, 還是決定餓時再掃街。吃生炸雞髀, 感覺要配一杯少少邪惡的紅豆冰才合襯。紅豆本身味道香, 軟綿程度適中, 不會過於軟腍。

經朋友介紹，知道有間雞髀好好食既餐廳係油麻地，於是去一探究竟。✨生炸雞髀王大過手掌既炸雞髀！炸得好脆嫩，外皮炸粉不厚，雞肉好鮮嫩而且保持到肉汁在裏面，出色！✨滷水雞髀王怕熱氣既話可以試下滷水雞髀，滷水味好重好香，肉質夠淋好滑嫩。✨特色豬扒西多士其他地方食唔到既西多士，有豬扒、牛油、煉奶、沙律菜，超級邪惡。

睇到網站好多人寫食評，話呢間餐店的炸雞髀好大隻，超好食。所以今日決定去呢間餐店試吓。中午12：30pm左右去到。店內已差唔多坐滿人，我好彩仲可以搵到個位堂食。店內實在太細，只能放得幾張細枱，我亦要同幾個人搭一張枱坐，坐得好迫，超唔舒服。我叫咗個黑椒汁炸雞髀飯，差唔多十分鐘左右上枱。望落隻雞髀，好大隻，以為一定超好食。點知？一食，隻雞髀炸得太乾身，d肉好“鞋”，一d都唔“jucy”。難食。飯又唔熱，黑椒汁又少，唔好食。成個飯我只係食咗少少，實在吞唔落。🥵埋單走人。真係冇下次，信錯d網評。唔會再去。

油麻地A出口行幾分鐘就到，舖頭好細唔容易搵到，但附近嘅人一定識，長期多人😂 鋪入面大概得10個位，所以有時只能夠坐外面生炸雞髀煎蛋菜底 +飲品 $55佢有滷水髀、生炸雞髀同鹽酥髀，所有雞髀大到手掌咁，而且肉質好滑!!大推～+另外可以配飯底/菜底/出前一丁麵/烏冬 （面底要加錢）+太陽蛋/荷包蛋+隱藏叫法係可以加黑椒汁/咖喱汁/沙嗲汁/麻辣汁（呢個要加$2）/沙薑汁（要碰運氣先有）.油麻地呢間老闆好鍾意嘗試新菜式，所以成日都會有新嘢，今次去就撞正佢推出偽咖喱合味道杯麵～.咖喱味香濃，不過面比起平時細啲，唔係太夠飽。.除咗雞髀，佢仲有好多唔同食物都整得出色，特別推介避風塘豬扒飯😋😋.不過要改善嘅係佢餐具嘅衛生，洗完好似冇洗咁🙈要自己再清潔~

今日因為路過油麻地，就去試下一直都好想試既和順記，而油麻地又係總店黎，一定要朝聖一下！生炸雞髀皇煎蛋飯雞髀真係好似手掌咁大，非常厚肉，可能因為生炸嘅關係，佢表皮炸到好脆，入面亦唔會好乾身，唔會好似有啲餐廳咁成隻雞髀都乾爭爭，食晒成碟飯隻雞髀都仲有半隻剩，可想而知隻雞髀有幾大！加埋凍飲先$54，斬幾抵食！因為2-3年前試過一次荃灣店，呢到環境就差少少，不過食得茶記都你諗住快食，夏天食冷氣都足夠！歡迎唔怕熱氣嘅朋友試試！

今日剪完🐷毛的我，🔒定要去吃藥膳🐖潤麵。成日都想去幫襯，但次次即興想去時，都是周日。（和順記周日是例休的😅）點知，午市只供應飯。麵食要等到下午茶時段才供應。於是我叫了個滷水雞扒🌞蛋🍚，老公叫了滷水🐔肶🌞蛋飯。老公問：好吃麼？我：個汁及🐔扒我吃到有蔥蒜味，所以（因蔥蒜是我世仇）。總的來說，肥仔哥哥侍應係咁忙的午市時段，態度都幾不錯。價錢方面，$50幾一個飯包野飲，真係超級抵吃。至於味道方面，正常吧！沒驚喜。但份量算大份，男仕應夠飽。希望下次適逢周六又適逢三點幾時，又適逢想起它時，便過黎吃碗🐷潤🍜吧！

為左同小絲平時拍拖有多啲選擇，所以工作時間都會走圍搵啲食店試下。呢間和順記最出名係炸脾，第一次去當然試炸脾先啦。先唔講味道，size 已經贏咗。真•大炸雞脾。唔係炸漿炸完變大一個size果種，而係隻雞脾本身就咁大隻。超大份最後食唔晒。味道就正常，都入味，唔會得出面塊皮有味，最入邊啲肉都有醃料味道。最近又二刷，今次試避風塘豬扒飯，又係極浮誇，目測豬扒份量比雞扒少，如果你是重口味人士，這個會好啱你口味。蒜味，蔥味，辣味，加甜甜的鼓油，成碟飯都是不同的味。很餸飯。如果我同小絲去食就當然會去荃灣分店啦，荃灣分店比較清潔整齊。

聽人介紹完就去試下個生炸雞脾飯，本身諗住反轉佢影張靚仔相放上黎分享下，大細有半個飯盒大，唔知係咪叫外賣，佢驚放唔落所以比左呢個尺寸我，正面個樣叫正常但皮同肉係分開左，背面睇就係骨肉分離，唔知係炸完變左咁定未炸已經小咁幾忽肉，味道就一般般。不過唔會有下次

呢間餐廳最出名嘅就係生炸雞脾，而且雞脾超級大，大到好似食緊半邊雞咁，真係淨食個雞脾都飽！由於新鮮即炸，所以即使外賣返到屋企，都仲可以keep住皮脆肉嫩，配埋白飯同煎蛋既蛋汁，正！食完飲返杯涷奶茶就非常滿足了！

✦☀︎∗⚛︎ 和順記 ⚛︎∗☀︎✦《二次拜訪》係油麻地發圍，以生炸雞髀作主打，外酥肉嫩的口感吸引了不少回頭客。我就係其中一個🙌🏻📍分店仲愈黎愈多🕋每次黎到都有新驚喜🫵🏻新菜式今次我食既係▶️▶️▶️🍛黑椒肉餅飯聽落去平平無奇，普通一碟碟頭飯！絕對唔係呀😽肉餅新鮮炸出黎，餡料有粟米馬蹄，食落去口感十足🧡❣️💛黑椒汁佈滿極個飯，仲有一隻太陽蛋🍳咁樣撈飯食，真係正到不得了🔸🔹價錢抵食～絕對係物超所值🔖

早前無意睇到youtube有段介紹炸雞脾既片,一seach openrice發現有4間分店.早幾日一於決定搭車去其中一間位於油麻地既一試睇下正唔正.餐廳其實位置係碧街果邊, 要開google map先搵到正確位置.餐廳環境雖然細少, 得幾張枱, 但都算乾淨企理, 落單果位姐姐都好有禮貌.叫左份招牌生炸雞髀薯條同店員推介, 未印係餐牌上面既新菜式-豬扒煉奶西多士.份炸雞髀一上到枱,  心唸點解隻雞脾會咁細隻既?可能我睇youtube果d真係廣告, 食落去係皮脆既, 但肉質唔係好嫩.反而呢份豬扒煉奶西多士既配搭就唔錯, 值得再試.

✨生炸雞髀薯條炸雞髀 好巨型 好厚肉皮炸得夠脆 肉都算嫩 仲有少少肉汁入味 味道帶微甜 略嫌有啲油膩 薯條微溫 炸得略乾 好一般✨凍檸茶茶底帶微澀 一般般總結：食物正常 雞髀味道可以 但冇驚喜 神級稱不上環境普通 服務好一般店員冇乜禮貌 態度差劣各人只顧傾偈 樓面只顧玩手機見到其中有一個客人 問店員有乜嘢好食店員竟然可以回答 唔知呢度冇乜嘢好食 都唔知有乜咁好食😮 另外明明我對面一直無人坐 全店亦只得亦我一個客店員竟然喺我張枱不抹 講下衛生好嗎😩服務真係嚇親人 價錢合理 以份量黎計都算幾抵食想試經過可以試下 特登去就唔需要