楓 (Closed)

香港有得食乳酪雪糕既鋪頭唔多，係旺角行完街見到呢間日式café，最近推出左乳酪雪糕，仲可以外賣走。新品仲做緊買一送一優惠，實在太吸引!配料好多，咩都想試，簡左好耐!玄米茶脆脆，白玉丸子，抹茶蕨餅 配homemade小山園抹茶醬呢杯配料都比較和風，先講個yogurt 口感，口感比普通乳酪軟滑，食係比較實身，質地較濃郁但又唔會太甜。加左玄米茶脆脆，有多D口感，同埋玄米好清香。白玉丸子係我既大愛，唔係好多鋪頭有呢個配料! 抹茶醬好濃郁又唔係太甜，我個人好鐘意。食完之後好有飽肚感!!Oreo餅碎， 開心果碎 ，蘆薈 配homemade小山園焙茶醬開心果碎十分推介，好香口，有D似平時食花生粒配雪糕，一樣咁夾。焙茶醬比較少見，但都係一樣我好鐘意既口味!