Video
Read full review
2021-09-24
2327 views
本身想食多次pici 但相同嘅嘢夜晚確實會比較貴而且星期六夜晚真係好多人排隊。。所以再落多層睇吓揀咗食唔洗排隊嘅simplylife我就第一次黎呢度見佢有得散買包 咖啡 朱古力圖最右手邊係包枱人地多數都係比你睇手工意粉佢地就整包( ´▽｀)朋友就話佢地跟餐啲包好好食 所以都會少少期待咁既然係跟餐嘅包當然就嗌返個餐先啦！三個人 叫左一個扒 一個粉 同一個魚再各加左三十蚊要餐 本來唔想飲個冰茶 但其他野飲就要返正價諗諗吓又覺得咁個餐咪加得好唔抵！( ´▽｀)作為普通嘅平民 好啦都係要佢個冰茶啦。。呢三樣基本上係同時到冰茶會跟隻不鏽鋼羹 唔係飲管如有需要可以問佢拎飲管或者走冰方便飲冰茶係百香果茶好淡 第一啖飲覺得清清地都唔錯第二啖已經冇味。。 睇色應該有橙汁之類但可能湯個味已經搶左 所以都飲唔出有乜麵包一上 朋友見到即刻帶返頭盔話唔係佢上次食嗰款( ´▽｀)係囉 望到個樣都唔太吸引。。。咬落去 包身都算軟嘅但就好難咬開嗰種 皮都乾 似放左一段長時間再切出黎有時作為前菜嘅包會有種包啊碳水化合物嘅香味 但佢冇 所以本身質素唔好 牛油都真係救唔到 餐我地跟哂餐湯 係甘荀湯隻底碟冇凹位 攝左張紙巾落
但相同嘅嘢夜晚確實會比較貴
而且星期六夜晚真係好多人排隊。。
所以再落多層睇吓
揀咗食唔洗排隊嘅simplylife
我就第一次黎呢度
見佢有得散買包 咖啡 朱古力
圖最右手邊係包枱
人地多數都係比你睇手工意粉
佢地就整包( ´▽｀)
朋友就話佢地跟餐啲包好好食
所以都會少少期待
咁既然係跟餐嘅包
當然就嗌返個餐先啦！
三個人 叫左一個扒 一個粉 同一個魚
再各加左三十蚊要餐
本來唔想飲個冰茶 但其他野飲就要返正價
諗諗吓又覺得咁個餐咪加得好唔抵！( ´▽｀)
作為普通嘅平民 好啦都係要佢個冰茶啦。。
呢三樣基本上係同時到
冰茶會跟隻不鏽鋼羹 唔係飲管
如有需要可以問佢拎飲管或者走冰方便飲
冰茶係百香果茶
好淡 第一啖飲覺得清清地都唔錯
第二啖已經冇味。。 睇色應該有橙汁之類
但可能湯個味已經搶左 所以都飲唔出有乜
麵包一上 朋友見到即刻帶返頭盔
話唔係佢上次食嗰款( ´▽｀)
係囉 望到個樣都唔太吸引。。。
咬落去 包身都算軟嘅但就好難咬開嗰種
皮都乾 似放左一段長時間再切出黎
有時作為前菜嘅包會有種包啊碳水化合物嘅香味
但佢冇 所以本身質素唔好 牛油都真係救唔到
餐我地跟哂餐湯 係甘荀湯
隻底碟冇凹位 攝左張紙巾落去防跣
碗邊碟邊有抹乾淨
黑色嘅我估係藜麥 唔會得個橙咁單調
基本外貌上嘅嘢有做返足嘅( ´▽｀)
就唔至於比個包同茶影響埋佢個湯嘅印象
個湯個質地就尚算濃郁嘅
飲落都有返甘荀嘅味道 都算好味嘅
烤蘑菇忌廉汁手製闊條麵
$128
22 views
0 likes
0 comments
第一個黎嘅main係闊條麵
個味其實係好食嘅
蘑菇忌廉汁唔會太漏 夠濃都夠鹹
但睇到雞胸係真係比較少 唔係遮左或者點樣
面嘅質地都麻麻 淋身左少少似煮耐左或者放耐左
可能平時夜晚會少啲人嗌pasta嗰類？
但個汁嘅味係真係幾好 似蘑菇湯嘅濃縮版
燒黑鱈魚
$208
21 views
0 likes
0 comments
第二個係黑鱈魚
佢一上枱就聞到隻味 係沙甸魚罐頭打開嗰種味
唔中意嘅強烈建議叫嘅話走左個酸豆橄欖醬
我冇諗過會有呢種發酵過嘅味道( ´▽｀)
咁我自己抵死姐 我知都有人中意食呢種味
唔係個菜式問題 只係個人喜好唔中意
撥開左佢 個魚係好食嘅 煎過嘅位置都食得出
魚皮煎到好香 有魚油 魚肉唔乾 食落唔腥
配菜係意大利青瓜黃瓜同薯蓉
薯蓉質感偏濕 但重牛油香 食落係好食嘅
燒美國安格斯肉眼扒
$218
26 views
0 likes
0 comments
安格斯牛扒 睇落足秤嘅( ´▽｀)
格仔紋都燒得靚
朋友評價係 切落係軟熟嘅 唔會彈刀或者好韌
嗌medium 係真係medium嘅
個汁冇味嘅？ 汁個口感係creamy 嘅
我話牛油 朋友話係忌廉
Menu話係伯納西汁 即係個黃色係黎自蛋黃啦
哦！ 聽講佢唔係一隻應該獨立存在嘅汁
因為佢令肉嘅texture同味道都更上一層樓
嗯。。咁唔食牛嘅我就唔評論個汁啦
薯條係脆嘅 偏向內外都係脆
個人比較喜歡外脆內軟( ´▽｀)
蕃茄同露荀烘過 食落好正蕃茄一咬就爆汁
露荀夠長 闊都接近1cm 唔係cheap雞嗰種( ´▽｀)
總結
份量黎講 對一個成年女性係啱啱好
對男性黎講可能差少少
每道菜個味道係好嘅 但都有可以做得更好嘅地方
埋單708.4 除3黎講 坦白講性價比就比較低
新城市廣場免費泊車要700
三個人食完其實都唔一定食到
可以再去買衫之類
點知就咁食已經夠
食落個質素大概似人均一百八十啦
題外話 商場最底嗰層最入面嗰三間舖
Starbucks /shake shack /simplylife
三間舖都係s字頭 ( ´▽｀)
原來都屬於同一個集團
Post
