ROSIE

Open Now

Now Closed

收工同同事比門口吸引咗入去，好有驚喜。原來可以帶寵物入嚟，下次可以帶埋狗狗嚟。香草牛油封門柳牛肉汁意粉用火槍燒過香草牛油令佢溶化更好味，牛肉吸收哂香草牛油味道，封門柳肉質嫩滑重牛味，意粉用咗牛肉汁令牛味更濃郁，好掛汁，愛pasta迷必嚟，呢間餐廳真係認真做好意粉，葵芳都可以用親民價食到高檔意大利 pasta，有別於連鎖店意粉。蝦多士係避風塘口味少少辣，多士好脆口帶甜，蝦肉都好爽，好開胃食完一件又一件。蒜香雞翼雞翅表面炸成金黃色，蒜頭同香草混合，入口雞翼肉質嫩滑，而且醬汁處理得剛好。為咗打卡叫咗西柚梳打同百香果梳打都驚喜地好好飲。