2派克雞排

Open Now

Now Closed

出完街返屋企肚餓見到呢間2派克雞排店未閂門就嗌咗3樣嘢醫肚。調味方面除咗最傳統嘅椒鹽、海苔味同辣味之外仲有芝士、梅子、麻辣、芥末同咖哩，味度多元化啲冇咁悶，而且每樣嘢食都可以揀兩隻調味有多啲選擇脆皮無骨雞腿排 原味（椒鹽）雞排好大塊，成個手掌咁大用咗雞髀位，外皮香脆肉嫩厚身多汁唔會乾，而且冇骨，啖啖肉好滿足揀咗原味（椒鹽），調味唔會好重手，咸度啱啱好脆皮花枝丸 原味（椒鹽+海苔）花枝丸大大粒，應該有坊間嘅1.5倍，炸到金黃脆身咬落去好彈牙都幾多原粒花枝肉，食得出用料新鮮脆皮杏鮑菇 麻辣（小辣）滿滿嘅一袋，切到大大舊，嗌咗麻辣令到嘴唇有啲麻麻哋嘅感覺，好香口惹味食杏鮑菇嘅時候一定要小心，熱辣辣做到外脆內爆汁，唔小心就會辣親。