點心到 (廟街)

Open Now

Now Closed

呢拆天氣熱到冇咩胃口，食點心都係一個唔錯嘅選擇，一盅兩件啱啱好。位於佐敦嘅點心到，裝修簡約，坐得舒服，冇傳統酒樓果種壓迫感。沙薑汁燴鮮淮山$22我好鍾意食淮山，但就未試過呢種做法。淮山爽口，有淡淡的沙薑汁，又唔覺得好鹹，仲有少量雲耳和西芹。鵪鶉蛋燒賣呢啲傳統點心唔係度度都有得食，燒賣皮薄餡靚，鵪鶉蛋細細隻連燒賣一齊食，好惹味，小朋友都好鍾意食。燒汁釀茄子$23茄子圓潤飽滿，上面仲釀左魚肉，魚肉彈牙，沾上甜嘅燒汁鼓油，好好味。籠仔鳳爪排骨飯$34次次嚟呢間飲茶，都一定會叫籠仔蒸飯，蒸飯以荷葉墊底，鳳爪和排骨都入味，飯底夠亁身，而且份量不少，3個人都夠食。