鋿晶館

Open Now

Now Closed

呢間餐廳真係一次過滿足幾個願望！夜晚想飲茶食點心，佢哋提供即叫即蒸大份量嘅點心,超級方便。我好推薦佢哋嘅蝦多士、蝦餃、蟹鉗同小籠包，份量真係超大又好味道。另外佢哋嘅澎湖蜂蜜蒸黑糖糕都值得試試，口感軟軟糯糯，唔會太甜。再講主菜方面,我好鍾意佢哋嘅乳鴿、椒鹽鮮魷、豉汁豆卜蒸鱔片同欖角醬燒骨，全部都係超下飯嘅好味道。燒骨同鱔片尤其係好食，真係幾適合用嚟配飯。餐廳仲貼心咁即場蒸白飯，超意外！花膠螺頭燉赤肉湯，用料十足十分推薦保身之選，喺屋企好少會煲到喱種美道。仲有的自家制嘅健康飲品，羅漢果雛菊茶同埋薏米檸檬水都好推介，唔會太甜低糖。同埋甜品，我發現佢哋嘅雙皮奶同焦糖燉蛋都好出色。佢哋仲有啫啫煲同烤魚，下次一定要再嚟試。呢間餐廳真係一次過滿足唔同口味，值得大家嚟一試！