夜首爾

Open Now

Now Closed

抵食指數：🎀🎀🎀環境：🎀🎀🎀回頭：🎀🎀🎀🎀（最高分5個🎀）店員大部分都係韓國人，用英文落單即可~環境寬敞整潔。首先送咗好多前菜，重點係前菜可以無限refill！！雞蛋煎翠玉瓜同埋豆腐都好好食，我哋都refill左3 次🤣🤣🤣🤣🤣👍🏻今日係衝着醬油蟹而來，醬油蟹好新鮮又多蟹膏，味道唔係好鹹，加埋個紫菜飯食好match。【泡菜煎餅】煎餅食落幾厚實，唔係薄切切既口感 外皮煎得焦香 仲帶有小小泡菜既辣味 幾好食👍🏻❤️份量好大份 2個女仔完全食唔晒👥極力推介大醬湯大醬湯的湯底十分鮮甜，除左豆腐、瓜菜之外，重點係裏面嘅牛肉好好食，我覺得大醬湯先係呢一間店嘅招牌菜🤣最後兩個人埋單七百幾蚊，價錢唔算好平，但味道好正宗，值得一試。