品越越式料理 (遠東金融中心)

Open Now

Now Closed

呢間越菜前身係做星馬菜既食肆，裝修後我第一次黎。好彩只係等咗15分鐘就有位，不過一入到去經理指指我哋坐既位置，我同另兩個同事都吓咗聲，因為要面壁。唉，唔想再嘥時間等，唯有坐囉。LUNCH TIME時間寶貴，我哋喺門口就已經睇定叫咩食，一坐低就立即落單。眼見待應唔多，經理一腳踢，估唔到D食物都上得快。餐牌本身係迷你春卷撈檬$62，不過呢度可以轉湯檬，唔需要加錢。賣相唔錯，以同區黎講份量算多，其他店只係會有3-4舊春卷。碗粉既湯夠濃，檬粉亦算滑唔會黏實一舊，而春卷亦炸得夠香。香茅豬扒拼越式豬頸肉飯$68，份量一樣唔細，餸真係比起其他食肆多，豬頸肉味道一般，反而豬扒夠肉汁唔會好乾。咖哩牛腩飯$72，一上枱我”嘩”咗聲，用個小鍋上，仲要另上一大碗白飯，男同事食唔晒之餘，仲話飽到上心口添。雖然3個SET呢個係最貴，但感覺上係最抵。咖哩唔係超辣嗰種，鍾意食小辣既人啱晒，牛腩唔靭，整體黎講ok。