Video
Read full review
2008-06-26
21 views
端午節前諗住去試, 點知佢地果段時間只包潮州粽; 端午後再去, 佢地又放大假!! 直到今個星期一又再闖上去, 今次終於都有開喇~~呢間店除左賣粿之外, 仲有其他潮州小食, 例如蠔烙, 炒糕粿, 粿什, 同埋潮式糖水。唔知係咪星期日經蔡瀾嚮節目到介一介紹, 炒糕粿同椰菜粿一早賣哂, 於是試其他野, 每種粿都買來一試。最好味係老闆娘推介既韮菜粿, D韮菜夠稔夠香; 蘿蔔粿都好, 不過淡左D; 有一種餡料係芋頭混花生, 帶少少五香粉味, 初初食覺得怪怪地, 不過愈食愈好味!! 咁多種粿入面比較失色係糯米粿, 比較乾同硬。個人比較喜歡佢地既甜粿, 試左紅豆, 綠豆及芋泥饀。甜粿同咸粿唔同, 用左糯米做皮, 因此口感比較黏糯, 粿底亦舖左腐皮防痴底。去到果陣岩岩出爐, 老闆娘仲好貼心咁同我用膠袋分隔開一個個, 如果唔係就會痴埋一團架喇!! 最好食係紅豆, 餡料係靚野, 有種好特別既紅豆香~~~個人最喜歡係佢地既粿雜!! 粿什係好傳統既潮州小食, 係卤水湯汁, 加上豬肉, 豬雜, 豆卜加 粿片, 嚮香港真係從來未食過, 反而泰國就有!! 幾年前嚮泰國食過一次簡直係驚為天人, 估唔到嚮香港都食得到
呢間店除左賣粿之外, 仲有其他潮州小食, 例如蠔烙, 炒糕粿, 粿什, 同埋潮式糖水。
唔知係咪星期日經蔡瀾嚮節目到介一介紹, 炒糕粿同椰菜粿一早賣哂, 於是試其他野, 每種粿都買來一試。最好味係老闆娘推介既韮菜粿, D韮菜夠稔夠香; 蘿蔔粿都好, 不過淡左D; 有一種餡料係芋頭混花生, 帶少少五香粉味, 初初食覺得怪怪地, 不過愈食愈好味!! 咁多種粿入面比較失色係糯米粿, 比較乾同硬。
個人比較喜歡佢地既甜粿, 試左紅豆, 綠豆及芋泥饀。甜粿同咸粿唔同, 用左糯米做皮, 因此口感比較黏糯, 粿底亦舖左腐皮防痴底。去到果陣岩岩出爐, 老闆娘仲好貼心咁同我用膠袋分隔開一個個, 如果唔係就會痴埋一團架喇!! 最好食係紅豆, 餡料係靚野, 有種好特別既紅豆香~~~
個人最喜歡係佢地既粿雜!! 粿什係好傳統既潮州小食, 係卤水湯汁, 加上豬肉, 豬雜, 豆卜加 粿片, 嚮香港真係從來未食過, 反而泰國就有!! 幾年前嚮泰國食過一次簡直係驚為天人, 估唔到嚮香港都食得到!! 小妹唔敢講泰國食到既正宗定曾記既正宗, 不過講味道就係泰國既好味D, 同埋泰國用既粿係好似捲心既河粉咁既。
最後要一讚老闆娘同D員工都好nice!!! 老闆娘仲特登介紹嚮電視度表演炒粿, 包粿果位師傅我識, 好熱情架!!
Post