老川皇

Open Now

Now Closed

返日文班前想食川菜，就約朋友去咗呢一間川菜到一齊食，之前已經去過旺角兩間分店，都食過覺得唔錯！呢一間分店比旺角果兩間好似更有風味呢！我照舊都係叫咗呢度嘅酸菜桂花魚，朋友話想試吓呢度嘅醬爆雞丁同擔擔面！酸菜桂花魚，我另外加左一份薯粉係入邊，可惜薯粉份量唔算太多有點兒唔夠喉！不過值得一讚嘅係桂花魚好新鮮， 而且冇乜碎骨可以淡淡魚肉咁放入口！薯粉給晒酸菜魚湯好甜好好味！醬爆雞丁入面有花生同雞粒，其實個人覺得味道偏濃，但食落辣辣地雞丁又夠嫩滑，都算唔錯！擔擔面同我哋平時食開嘅上海擔擔麵係唔同嘅，原來四川嘅擔擔麵係冇花生醬的，不過麵線都好幼好滑！配埋醬爆雞丁食都好夾呢！