菲菲麵館 (Closed)

我就嚟要改名做OT姐至得！但辛苦搵嚟自在食，所以每日就算成3點半先食lunch，我都會同同事搵間好味又有特色嘅餐廳，安撫一吓自己個味覺。今日就去到新開，位於觀塘The Wave嘅菲菲麵館。可惜我哋太遲嚟，食唔到大熱嘅波士頓龍蝦系列，但呢到選擇夠晒多，仲有今期精選麵食、酸麻雞湯米線系列、牛骨濃湯系列、低卡推介同車仔麵組合。麻辣火雞腎火雞腎爽脆彈牙，口感一流，最重要係辣度夠香夠惹味，唔會太麻。花菇花膠麵嘩！嘩！嘩！兩大隻花菇，夠晒厚身，炆得又腍又入味，而花膠好似唔洗錢咁，份量超多，軟滑無腥味，膠質豐富，女仕大愛。特別牛肉河材料有牛筋、牛腩、生牛肉、牛丸同牛柏葉，份量超多，最鍾意彈牙爆汁嘅牛丸，同牛味十足嘅牛腩。仲有青檸同辣椒粒調味，鍾意食牛嘅朋友必試。