小食堡 (Closed)

之前聽過朋友介紹，話呢間位於長沙灣嘅小食店啲炸雞髀呀，其他炸嘢都好正，今次一於慕名而來試下啲嘢係咪真係咁正先。可能之前網上有人介紹過，今日下晝去都幾多人排隊。點完嘢食大約等咗15分鐘，買咗好多嘢食呀！！ 因為樣樣都想試，於是買返屋企同屋企人一齊分享。買咗煎釀三寶，有紅腸，青椒，矮瓜，仲有炸魚蛋。d魚肉好彈下牙，唔會好淋同死實。另外仲嗌咗炸燒賣，炸墨魚丸。墨魚丸唔錯喎，入面有墨魚粒㗎。炸燒賣就炸到個外皮脆卜卜，入面軟淋淋，外脆內軟。