小食堡 (Closed)

聽聞呢間小食堡就黎吾做⋯特登黎試一試⋯要排左一陣隊⋯前面有5，6個等緊係幾年前都曾經黎食過一次，出名 炸雞髀🍗😍好好味其實有蒸雞髀傢⋯只係冇咁好賣呢間野出名炸物 好食今次黎到⋯最想食既酥炸魷魚鬚都冇哂貨了🦑我叫左4樣野⋯炸雞髀-依舊最好味炸魚蛋- 係煎釀三寶的大大粒魚蛋炸薯餅- 比起麥記，呢間會比較鬆軟d炸墨魚丸- 新鮮，一咬入口仲好熱😋希望下有再機會見到店主啦D野食係偏貴，但勝在新鮮炸起，店主係2公婆，好nice ，仲俾埋個鐵碗我打卡靚少少🤣😂但我影得差，吾好介意🙏🏻

小食堡絕對係不折不扣既街坊小店，無咩裝修粉飾，宣傳，毫不起眼，但仍然能夠留住固有既街坊客。相信除左係因為食物既味道之外，仲有老闆同老闆娘難得既一份人情味👨🏻🧒🏻蒸炸雞髀同炸魚蛋係呢到既招牌小食，蒸炸雞髀大大隻，皮脆肉嫩。但始終炸魚蛋先係我既最愛😋即叫即炸非常香口，有魚肉味又彈牙😝加埋辣粉就更加惹味，其他地方食唔到🤩佢仲有其他炸物都好受歡迎，成日見人一盒盒咁買返屋企（唔知係咪當餸🤔）印象中小食堡唔係日日開鋪，想去食既要留意下佢邊日休息喇🤤

即叫即做即炸！平時少食（通常見係已炸好、凍都賣俾你，一係翻炸）。朋友將離港，話會 miss 煎釀三寶，特登買嚟加餸。廿蚊四件：魚蛋、紅腸、矮瓜、青椒。件件都大大件。舖頭望落乾淨企理。放工七點去到，自己前面有三個 orders ，買完已經開始有人龍！

本來諗住食雞髀，但見到之前客人order咗唔少炸物，所以唔想等就只係買咗大菜糕 $8大菜糕晶瑩剔透，肉眼都睇到有好多蛋花，花奶都俾得好多食落好清爽，質地唔硬唔膠，不過就覺得甜咗少少

長沙灣即叫即炸小食店 平時行過呢間都keep住有人排隊 通常都叫炸雞髀 同煎釀三寶 今日試試.今日叫咗煎釀三寶$18 4件我叫咗各一件 茄子 紅腸 魚蛋 青椒佢哋本身已經釀好左 放咗喺雪櫃落單 即叫即炸 所以如果人多 時間會耐少少唔似坊間大部份小食店 炸好放喺度 有客人再翻炸😋的確即叫即炸 好食好多 魚肉漲身小小 彈牙d👍🏻而且感覺冇咁油膩 唔急咁多油老闆都幾Nice 問我哋要唔要 辣粉老闆話會好食好多 味道似卡樂B 熱浪薯片我就覺得 佢個辣粉都的確幾好食 五香辣粉feel唔算太辣 如果加大量落炸髀 會十分香口.煎釀三寶評價 明顯好過一般翻炸既小食店水平中上 但$18 4件 同樣算小貴下次有機會試埋佢個炸髀.#hkfunfoodrecord窮遊香港#hkfunfoodrecord_長沙灣.#小食堡 (長沙灣)地址：長沙灣元州街340號地下2號舖.⭐️評分：味道：3.5/5環境：-/5服務：-/5抵食：3/5.‼️想睇更多資訊‼️ig/youtube/mewe： hkfunfoodrecord‼️fb:funfunfoodrecord.#飲食 #美食 #優惠 #抵食 #hk #hkfood #h

睇過哩間小食堡食評，系長沙灣好似好掂，今天經過就買來試下。去到門口，睇到裡面有一男一女準備食物，廚房睇落普通乾淨和整齊，街坊店就系咁，但有好多熟客，去到已經有兩個客等緊炸魷魚，最後再加一個碗仔翅，最後買左100幾蚊，原來哩類小食店又幾好搵喔，加埋吾使座位，又吾受安心出行人數影響。好多食評都話佢D雞肶超正，先蒸後炸，仲要系即炸，咁梗係要試啦，都23蚊咖，所以我會用和順記同佢做比較，雖然和順記40蚊，但有餐飲，有裝修，有座位，有冷氣。大細- 和順記比小食堡的雞肶大起碼20%賣相和口感- 和順記肥美多汁，皮薄而脆，肉保持嫩滑,而且肉有雞味和醃料味； 小食堡睇落”乾增增”，皮脆但厚和硬，肉仲系乾同”鞋”，而且系無雞味，靠華鹽味道。另外叫了一個細碗仔翅，睇相就知道無乜材料啦！所以吾使多講。小食堡唯一比較好是親民同體貼，雖然我通常很支持小店，但吾好意思，就算點bias,都要公平比較。

晚餐食完個粟米肉粒飯硬係都爭啲嘅～買多個小食黎食下！煎釀三寶$18揀左要紅腸、魚蛋、青椒～即叫即整，睇住佢將魚肉包係紅腸、青椒上面！所以製作需時～心急人士唔好催呀姨😛否則呀姨會唔高興架！新鮮熱辣炸起，好香！魚肉彈牙！紅腸、青椒都好食！青椒食落仲幾爽口！魚肉既味道食落帶點腥🤔我接受到，但可能怕腥既朋友就唔係咁岩啦！好多人買蒸炸雞翼，下次再黎試試！

每次經過都有條人龍係度，今次經過見到只係得一個人等緊就即刻攝埋去買黎試下啦，我見啲人主要都係買啲炸野，同埋每次經過都總係有啲好香既炸味，所以今次我主要都係揀啲炸物！我今次揀左炸燒賣，煎釀三寶（茄子，紅腸，青椒，魚蛋）同埋炸雞髀，原來叫好左之後佢就即刻炸，難怪每次都有條長龍！上面就係炸燒賣同埋煎釀三寶，炸燒賣脆卜卜咁超好食，外脆內軟咁無得輸！而煎釀三寶雖然唔係我食過最好食，但係新鮮熱辣即刻整黎講，誠意已經滿分！佢仲配埋有個甜甜地既豉油，其實唔加都好有味既，不過加埋就會更加有風味！至於個雞脾雖然唔算好大隻好多肉果隻，似係小店自家制既果種，但個味黎講其實唔錯，但因為佢個size偏細，一隻真係唔多夠喉！整體黎講，新鮮熱辣即叫即整已經值回票價，加上而家呢啲小店買少見少，我一定會繼續幫襯，等佢地可以繼續生存！

每次都食炸雞🍗好好味，又冇雪味！老闆每次入隻雞髀入咗袋都for 客人方便吃啖啖肉！另外炸尤魚又系每次都點，但又唔係每次都有，老闆話要訂外國的尤魚才夠彈性！兩樣炸物加辣粉調味，好食到飛起！

#台式炸燒賣 $10/6粒依間舖小編由細食到大😂除咗炸雞脾吸引到小編之外 炸燒賣都好吸引🥰依到嘅炸物都係即叫即炸 大家喺門口都可以見到老闆炸野🤣等咗5分鐘左右 終於拎到手😍因為即叫即炸 所以仲係好熱辣辣 大家要小心🤭外皮係脆卜卜嘅 而入面係軟淋淋 口感有層次😋老闆仲會落啲粉喺面 咁就更加惹味🥰評分:10/10

香港小食又點少得煎饟三寶呢位於長沙灣依間小食店👉🏻小食堡此家的煎饟三寶是即叫即做的今日2pm未到就見到開左店襯未有咁多人排隊當然即刻行去買啦煎饟三寶 $16/4件可自行選擇 魚蛋/紅腸/青椒/茄子/花枝丸..我一共買了12件🤤大概等了10分鐘已炸好了老闆人很親切，會將豉油另上特別最愛就是炸魚蛋 大大粒，又唔粉，啖啖肉好彈牙其他都好好味！除了煎饟三寶外，仲有其他小食選擇例如：蒸炸雞肶，腸粉，碗仔翅...等等小食都好好食！碗仔翅 ($13) S size，L size $15算多料，不過肉絲少左d，同比較杰身而味道就啱啱好！現今賣煎饟三寶地方見少賣少了就算有都未必好食希望小食堡會一直keep住做落去！❤️

黎到時，鋪頭門口都幾多人哈哈，排隊逐個逐個叫野食，係到買野食，係唔急得的叫左煎釀三寶同炸雞翼真係即叫即炸的，真係好正青椒呀，紅腸都釀到厚厚的魚肉，真係好好味呀新鮮熱辣，炸好後，仲問要唔要辣，仲有包豉油的，真好！最後我都無落豉油，就甘食已經好好味炸雞翼好香脆，好夠味仲會問剪唔剪隻雞翼的剪完食得好方便老闆同老闆娘都好友善呀鋪頭仲好簡潔企理

小食堡的炸脾是先蒸一蒸再拎去炸，好處就是不用炸太耐，令雞皮爽脆而肉質可以keep住嫩滑。因為是即叫即炸的關係，所以每次來小食堡，都有著不少人排隊。老闆娘細心地覆述每個客人的order，而且口吻好似朗誦咁。今次是第4次幫襯了，炸脾依然是大大隻嘅！我們每次都點辣的，辣粉加上脆薄雞皮，係邪惡嘅！真係不得了！可惜今次的炸脾肉質鞋口偏乾，對比以往的質素確實差了，明明是雞脾肉，但是口感就好似食緊雞胸肉咁。唔知係米一時失手overcook呢？希望下次可以食返以往嘅質素啦！

在街頭已有炸香的味道，越走越近，香氣更什。蒸炸雞肶一隻吖，唔該。眼見老闆娘在蒸籠內取出一隻雞肶放入炸爐內。貼心的老闆娘眼見我有媽媽在隔離，貼心一問，要唔要幫你剪開幾份方便食？👍🏻一口雞肶既滑又多汁，不油膩。好味

之前聽過朋友介紹，話呢間位於長沙灣嘅小食店啲炸雞髀呀，其他炸嘢都好正，今次一於慕名而來試下啲嘢係咪真係咁正先。可能之前網上有人介紹過，今日下晝去都幾多人排隊。點完嘢食大約等咗15分鐘，買咗好多嘢食呀！！ 因為樣樣都想試，於是買返屋企同屋企人一齊分享。買咗煎釀三寶，有紅腸，青椒，矮瓜，仲有炸魚蛋。d魚肉好彈下牙，唔會好淋同死實。另外仲嗌咗炸燒賣，炸墨魚丸。墨魚丸唔錯喎，入面有墨魚粒㗎。炸燒賣就炸到個外皮脆卜卜，入面軟淋淋，外脆內軟。