臺北棧 (港威商場)

Open Now

Now Closed

之前已經食過中環分店，覺得好好食，今日經過尖沙咀，竟然俾我見到佢有分店，雖然位處港威商場，但係都幾隱敝下，尖沙咀分店以粉紅色為主題，裝修做到好似機場同埋飛機一樣，WOW，估唔到咁耐冇飛，黎呢度即刻有旅行既感覺，真係一間又好食又可以打卡既餐廳。三色鹽酥雞 鹽酥雞外皮粉漿夠薄，炸到酥脆，雞肉嫩滑，咬落去依然好juicy，配有三款醬汁，分別係柚子味，黑松露味同埋冬蔭公味，店員推介由淡味食到濃味，我就最鐘意冬蔭公醬，味道酸酸地好開胃。擔擔牛肉麵 湯底夠哂濃郁，牛肉煮到好軟熟，仲有成8塊咁多，刀削麵夠哂彈牙，食落好有口感，最值得一讚係面頭放左D炸過既蟲草花，食落脆卜卜。招牌魯肉飯 半肥瘦既魯肉好入味，鋪滿成個飯，醬汁亦都好香。宇治抹茶牛乳 抹茶粉夠多，所以飲落夠濃味，而且好香。手工鳳梨酥麻糬蛋撻 呢個絕對係必食推介，係鳳梨酥上加入麻糬同蛋撻，撐皮口感酥脆可口，鳳梨酥用左土鳳梨，咬落有一絲絲鳳梨係口入面，而上面個蛋撻亦夠哂嫩滑。