楚撚記大排檔 (馬頭圍道) (Moved) New Location

晚市無得堂食, 所以又睇吓附近有咩好食, 🔸楚撚記大排檔🔸 都真係好有名氣, 一於試吓佢嘅外賣喇。🍚 豬油撈飯第一次見到豬油撈飯呢4 隻字係覺得好恐懼嘅, 諗吓都覺得肥膩, 不過試咗就返唔到轉頭喇🤦🏻‍♀️ 外賣嘅豬油撈飯做得好細心, 分開一盒盒, 有豉油, 豬油, 芫茜同香蔥。根據自己嘅口味將d 配料撈埋一齊, d 飯變得好順滑, 保暖又好味。🥢 香爆黑椒牛仔骨煲雖然外賣唔係用煲上菜, 不過d 牛仔骨爆得好香, 肉質好軟腍, 完全唔黐骨。配料洋蔥, 紅椒同綠椒都炒得好惹味。🥢 蜜椒薯仔牛柳粒本身期待有多d 蜜糖味, 不過反而偏向黑椒味重d。牛柳粒同薯仔粒嘅size 差唔多, 的的骰骰, 都有少少甜味。💭 整體食物都好食, 好有鑊氣, 值得支持。