more food & creation (Closed)

今天由於工作遲咗，所以好晏先有時間食lunch，急急腳去搵食之際路過此餐廳，心諗雖然平時我唔食茶餐廳，不過今日咁肚餓，不妨一試啦，起碼唔使行，唔使再搵⋯結果係出乎意料之外嘅驚喜。叫咗個泰式牛肉炒河，個廚師係即刻煮嘅，所以都等左幾分鐘，但係睇住上菜果刻，佢熱辣辣香氣撲鼻心情，即刻非常之好。話明係泰式當然有少少辣 㗎啦，辣得來係惹味咪得囉。啲河粉炒得乾身，比較闊同埋薄，幾有特色。成成個牛肉河又香又辣，係難得的有水準，而且好少可茶餐廳會咁有鑊氣，所以真係非常之驚喜。