Le Rêve (Closed)

高格調嘅新派法國菜，走進餐廳，感覺好有電影感，四圍嘅佈置裝飾，好有dream主題特色，有dream catcher佈置，桌上亦有白色羽毛及蒲公英燈配襯，好有氣氛～店員會逐一地介紹食物同餐廳名嘅由來～前菜龍蝦仔沙律鮮甜、開胃，配上新鮮牛角包及芝士棒，外脆內軟，口感層次豐富～一共6道菜式，包括一份由廚師發辦嘅surprise dish～味增法式燉蛋配北海道馬糞海膽及蘇格蘭蟶子，蟶子彈牙爽口、煮得剛好，三文魚子口感得意～Crème brulee加入甜甜哋，以青口煮成的醬汁加上海膽，一甜一鹹，層次分明、融合，口感細膩～煎鵝肝配Creamy嘅栗子蓉，口感特別，以花裝飾，睇得又食得，乳酪雪糕清清哋，預備食下一道菜～慢煮龍蝦尾，濃濃嘅鮮胡椒味，龍蝦肉質新鮮彈牙，用上分子料理處理做成嘅菠菜奶泡，配上黑、白胡椒、同紫蘇葉，味道新奇～黑毛豬肩肉，突然間一轉畫風，竟然有火焰表演，睇見藍色火焰，即刻溶化我哋嘅心。響熱石上面嘅黑毛豬，肉霖，香味濃郁，配上雜莓醬mini pancake，索晒啲油香～紐西蘭羊架，肉嫩滑，配薄荷啫喱之餘，仲有紅酒燴梨及南瓜脆片，配搭新鮮。A4鹿兒島和牛，牛味濃郁，半生熟剛好～甜品係