White Button Cafe & Dessert (Closed)

一入到呢間餐廳就覺得少女味十足，餐廳用上夢幻嘅粉紅色同藍色做主調，再加上漫畫風嘅掛畫做裝飾，充滿打卡位，難怪好姊妹嚷着話要嚟。我哋要左新出推介波士頓龍蝦汁扁意粉。賣相真係一百分，好似一件藝術品咁，捲着意粉嘅鐵叉懸浮在半空，好有睇頭。而且波士頓龍蝦既size都唔細，開邊之後都好多肉，而且係彈牙既。另外龍蝦汁都好濃，加左少少番茄酸酸的，意粉亦好煙un。整體來說，雖然價錢比較貴，但係其實都好值得。另外亦要左鐵板香烤柚子豬扒配飯，柚子味就唔算重，但豬扒夠juicy，肉質鮮嫩完全唔鞋，冇豬肉嗰種腥臭味。而且白飯用上珍珠米，好好食。亦都要咗一個甜品，係大熱嘅朱古力千層餅。一層層嘅朱古力忌廉好滑，面頭再加左一層朱古力醬同可可粉，令整體嘅朱古力味更加濃，仲有少少果仁碎增加口感。飲品方面要咗一杯iced mocha，朱古力同咖啡味嘅比例啱啱好平衡到，又唔會太甜。呢度嘅環境靚之外又坐得舒服，食物質素亦都好唔錯好適合好姊妹聚餐。