Video
Read full review
2019-07-26
168 views
一如既往，星期三夜晚同男朋友拍拖食飯。 今晚就嚟到灣仔合和附近嘅一幻拉麵。 雖然佢係介乎係內街嘅位置，但係都唔難搵因為成間餐廳嘅主調係好搶眼嘅紅色，連招牌都唔例外。入到去餐廳，店員好細心咁同我哋講舖頭較入嘅位置比較涼，所以就安排咗我哋坐入去。一幻拉麵係日本北海道札幌的人氣拉麵店，出名食蝦味拉麵。 經過店員嘅一番解釋，我同男朋友都決定要食下佢嘅主打！為咗食下加入咗豚骨嘅湯頭有咩分別，我地嗌咗一碗適量豚骨， 一碗原味嚟試下。溫馨提示：拉麵本身已經包咗兩塊叉燒同半粒溏心蛋。我同男朋友仲傻下傻下嗌咗一碗加蛋，變咗一人有一粒完整嘅蛋食。 其他配料都可以自由選擇要定唔要。我地當然要蔥同麵酥啦！咁先夠地道吖嘛！大約等咗十分鐘，拉麵就上枱啦！先講下原味湯底、 鹽味口味嘅蝦味拉麵。 蝦味湯好 濃郁，鹽味口味亦有帶出蝦本身嘅鮮香！加分！叉燒好淋，浸埋蝦湯食又係另一種風味！ 溏心蛋嘅發揮就正正常常。我地建議點麵嘅時候一定要點埋麵酥嚟食。所謂麵酥係炸咗嘅薑，撈埋啲湯一齊食會成個口感更上一層樓！ 唯一要挑剔嘅就係個拉麵可能煮耐咗，麵質有啲偏淋身。至於揀咗加入適量豚骨嘅嗰款蝦味拉麵，我同男朋友都認為豚骨有啲喧賓奪
入到去餐廳，店員好細心咁同我哋講舖頭較入嘅位置比較涼，所以就安排咗我哋坐入去。
一幻拉麵係日本北海道札幌的人氣拉麵店，出名食蝦味拉麵。 經過店員嘅一番解釋，我同男朋友都決定要食下佢嘅主打！
為咗食下加入咗豚骨嘅湯頭有咩分別，我地嗌咗一碗適量豚骨， 一碗原味嚟試下。
溫馨提示：拉麵本身已經包咗兩塊叉燒同半粒溏心蛋。我同男朋友仲傻下傻下嗌咗一碗加蛋，變咗一人有一粒完整嘅蛋食。 其他配料都可以自由選擇要定唔要。我地當然要蔥同麵酥啦！咁先夠地道吖嘛！
蝦味拉麵 (原味)
$88
6 views
0 likes
0 comments
大約等咗十分鐘，拉麵就上枱啦！先講下原味湯底、 鹽味口味嘅蝦味拉麵。 蝦味湯好 濃郁，鹽味口味亦有帶出蝦本身嘅鮮香！加分！叉燒好淋，浸埋蝦湯食又係另一種風味！ 溏心蛋嘅發揮就正正常常。我地建議點麵嘅時候一定要點埋麵酥嚟食。所謂麵酥係炸咗嘅薑，撈埋啲湯一齊食會成個口感更上一層樓！ 唯一要挑剔嘅就係個拉麵可能煮耐咗，麵質有啲偏淋身。
蝦味拉麵 (適量豚骨)加溏心蛋
$98
4 views
0 likes
0 comments
至於揀咗加入適量豚骨嘅嗰款蝦味拉麵，我同男朋友都認為豚骨有啲喧賓奪主，搶咗蝦本身嘅香味。 下次食應該都係會乖乖地揀返原味就算。
1 views
0 likes
0 comments
另外，我地仲嗌咗個蝦味飯糰試下。我地覺得都幾好味。第一，個飯糰好夠熱。第二，飯糰都包得幾扎實同大粒。第三，咬落去會同時食到醬油同蝦嘅味道，都幾出色架！大家都可以嗌嚟試下！
蝦味飯糰
$20
8 views
0 likes
0 comments
Post
