Video
Read full review
2009-12-31
774 views
是月初的食評了！阿媽生日，阿爸提議再到金島試菜。以前成日都會黎食晚飯，不過都有好幾年無黎了！所以唔知佢而家d質素係點，而阿爸又好想食潮菜，於是佢嚷著話要再去金島試菜。唔知佢會唔會好多人，一於少理book位穩陣d。七點鐘去到，只得半滿，生意好一般。金島d裝修真係十年如一日，完全無執過。連廁所都一如以往，依舊係用熨門。menu 就有renew過，較乾淨。食物價格不算平，動輒就要六、七十蚊碟。最後揀了幾款，潮州翅、檸檬鴨湯、豉汁蠔仔、炸蝦卷、蘿蔔烙同糖醋麵。潮州翅，阿爸阿媽各一。由於我唔太好潮翅，所以無要到。但我都有試味，味道唔錯，不會太咸。質地是潮翅應有的杰度，但翅針太幼，略嫌不夠口感。由於我無食翅，而我自細已鍾情檸檬鴨湯。所以就叫咗一窩。一窩其實唔係好大，有四至五細碗。味道超酸又超咸，非常下火。但係飲多幾碗就真係腎病加hypertension呀！真係好咸。減咸少少味道會更好。隻鴨反而好好味！d肉好嫩，煲完湯都仲有鮮甜。豉汁蠔仔係見有食家讚，於是先一試。醬汁惹味，不過味道又係太咸，空口食就太咸，撈飯就會好d。蠔仔肥美，又大粒。可惜去殼工夫做得麻麻，不時食到有碎殼。炸蝦卷望落好吸引。不過炸得
阿媽生日，阿爸提議再到金島試菜。
以前成日都會黎食晚飯，不過都有好幾年無黎了！
所以唔知佢而家d質素係點，而阿爸又好想食潮菜，於是佢嚷著話要再去金島試菜。
唔知佢會唔會好多人，一於少理book位穩陣d。
七點鐘去到，只得半滿，生意好一般。
金島d裝修真係十年如一日，完全無執過。
連廁所都一如以往，依舊係用熨門。
menu 就有renew過，較乾淨。
食物價格不算平，動輒就要六、七十蚊碟。
最後揀了幾款，潮州翅、檸檬鴨湯、豉汁蠔仔、炸蝦卷、蘿蔔烙同糖醋麵。
潮州翅，阿爸阿媽各一。
由於我唔太好潮翅，所以無要到。
但我都有試味，味道唔錯，不會太咸。
質地是潮翅應有的杰度，但翅針太幼，略嫌不夠口感。
由於我無食翅，而我自細已鍾情檸檬鴨湯。
所以就叫咗一窩。一窩其實唔係好大，有四至五細碗。
味道超酸又超咸，非常下火。
但係飲多幾碗就真係腎病加hypertension呀！
真係好咸。減咸少少味道會更好。
隻鴨反而好好味！d肉好嫩，煲完湯都仲有鮮甜。
豉汁蠔仔
係見有食家讚，於是先一試。
醬汁惹味，不過味道又係太咸，空口食就太咸，撈飯就會好d。
蠔仔肥美，又大粒。
可惜去殼工夫做得麻麻，不時食到有碎殼。
炸蝦卷
望落好吸引。
不過炸得過乾，個邊乾到韌呀。
蝦肉是彈牙的，真材實料。
唯炸得過火。
蘿蔔烙
又係見有人讚先試。
結果有dd失望。
好油膩呀！d蘿蔔吸晒油，好油。
仲要加咗花生，好硬。
D蝦係雪蝦，無咩味。
阿爸同阿媽都話水瓜烙好食好多。
糖醋麵
穩陣之選！
個麵炸得香脆，麵條條條分明。
加埋醋同糖一起吃，是不錯的選擇。
整體都比以前退步，調味過咸。
火候掌握一般，有待改善。
Post
