大丼屋 (Closed)

之前上網睇到大丼屋新開張係3月期間有買一送一既優惠，當然即刻唔執輸同朋友一齊去試下呢間餐廳。朋友係牛魔王，一睇到個餐牌就話要叫個燒牛肉爆丼我就叫左個北海道海鮮丼兩個丼一黎到我地兩個嘩左一聲，爆丼果然不負其名，啲牛肉同海鮮都好似滿到瀉咁，原本諗住啲材料咁足斷估會無咁好食，點知啲牛肉雖然未去到入口即溶既地步，但絕對令你心滿意足；而啲海鮮刺身更加正，鮮味十足，連我咁細食都想再食落去。我地仲叫左個芝士厚燒玉子個小食雖然唔知點解最後先黎，但個芝士厚燒玉子又係另一驚喜，蛋煮得啱啱好，非常嫩滑，再加一層芝士係上面口感十足。而家有呢個買一送一既優惠真係抵食到自己都唔信