Video
Read full review
2020-10-02
2787 views
前排追看完木村的Grand Maison Tokyo，完全勾起食法國菜條癮，二話不說我book咗半島酒店的Gaddi’s。見識少，去之前先上官網介紹，Gaddi’s係香港首間法國菜fine dining餐廳，昨天行入去，都感覺得有種古典感覺但唔會好老土。叫了6 courses tasting menu，第一道係Tarbouriech Oyster，蠔肉唔係爽口嗰種，相對腍滋滋，配上椰菜花一齊食，豐富咗口感。蠔味鮮甜，加埋魚子醬的鹹及青蘋果的酸，第一道菜已經為味覺帶來不同體驗。第二道是煎封鴨肝，火候份量都剛好，配上一點點爽口的紅菜頭以及煙燻鰻魚，又係多重口感，甜甜地Red Currants sauce帶來了清新的balance，好快便食完。一上菜打開蓋時，聞到陣陣煙燻香味，唔知係咪嚟自個鰻魚。第三道是法國菜傳統的龍脷魚，食龍脷最怕魚肉煮到好軟，呢碟唔會，魚肉有咬口，但唔係話食橡筋咁，加上細細粒的黑青口肉吊出鮮味，配上德國的Riesling，成為全晚最喜歡之一。第四道是散叫的乳鴿，常常覺得法國菜應該要食乳鴿，感覺上係特別巧手的一道菜，加上Gaddi’s的乳鴿是Head Chef Albin
叫了6 courses tasting menu，第一道係Tarbouriech Oyster，蠔肉唔係爽口嗰種，相對腍滋滋，配上椰菜花一齊食，豐富咗口感。蠔味鮮甜，加埋魚子醬的鹹及青蘋果的酸，第一道菜已經為味覺帶來不同體驗。
第二道是煎封鴨肝，火候份量都剛好，配上一點點爽口的紅菜頭以及煙燻鰻魚，又係多重口感，甜甜地Red Currants sauce帶來了清新的balance，好快便食完。一上菜打開蓋時，聞到陣陣煙燻香味，唔知係咪嚟自個鰻魚。
第三道是法國菜傳統的龍脷魚，食龍脷最怕魚肉煮到好軟，呢碟唔會，魚肉有咬口，但唔係話食橡筋咁，加上細細粒的黑青口肉吊出鮮味，配上德國的Riesling，成為全晚最喜歡之一。
第四道是散叫的乳鴿，常常覺得法國菜應該要食乳鴿，感覺上係特別巧手的一道菜，加上Gaddi’s的乳鴿是Head Chef Albin Gobil的拿手菜，今晚tasting menu無，所以點都散叫試試。上次喺日本食過一間酒店的法國菜，也是米芝蓮一星，但煮出來的乳鴿太生，有少少陰影，但乳鴿又好易因為過咗火候，導致肉質又乾又鞋口，今次五成熟剛剛好，配上赤味噌及士多啤梨來吃，實在沒有後悔特登散叫來試，如果乳鴿皮可以再煎脆一點就perfect了。
第五道是主菜，兩人分別選了英國羊肉和鹿兒島牛柳。羊肉分了三個部位，不過我沒記得太清楚，三件口感都不一樣，有羊味但唔會好羶。牛柳有兩件，配上竹筍、黑蒜，牛肉medium rare，腍身牛味濃，不會有太多油脂，是我喜歡的食法。兩個主菜都不錯，個人較喜歡牛柳。
最後兩道甜品分別以香檳及咖啡入饌，我較喜歡前者，是配上杏仁脆片、紅莓醬的香檳雪葩，一解食過主菜的油膩。至於咖啡一道，是咖啡mousse配榛子雪糕，唔太甜而咖啡味就濃濃的，臨尾飲返杯熱茶round up就最好。
至於價錢，唔敢再提了。
Post
