十二味 (搵食市集)

Open Now

Now Closed

帶次經開大圍街市，發現原來十二味有分店在車站對面，極之方便。今日襯小朋友學緊野，約朋友食個快食。上到去好大陣辣味，已經流晒口水。最正係，朋友一早影左qr code比我睇晒菜單，點好晒，我上到去剛剛有野食。講真，樣樣都想食，但2個女仔真係好難叫。諗住先叫3樣小菜先，食到尾先再叫糍粑，但原來碟碟都勁大碟，食唔晒要打包🤣🤣🤣🤣首先個辣雞炒得勁乾身，而且加左新鮮花椒，非常惹味。毛血旺配寬粉也是必食，寬粉吸晒個湯嘅辣味，簡直上癮。