羅粉世家 (Closed)

羅粉世家 (長沙灣)長沙灣青山道271號地舖新開嘅地道江西米粉，喺正譚仔對面，價錢平過譚仔，份量多過譚仔，江西米粉其實同米線差不多，口感比較滑，幼細餐廳裝修新淨乾淨，好細心地仲有紙巾提供，Menu簡單易明，雞豬牛，骨湯、番茄、麻辣、酸辣冰镇酸梅湯即日新鮮製造，將上面有為自家logo 非常足料，可以啜到粒粒浸林嘅酸梅味道有層次，飲品超好飲，非常驚喜！酸辣豬扒鮮湯粉酸辣湯底辣得過癮，食落去唔辣但會keep住熱同出汗，份量非常之多，超大碗豬扒入味，不錯！職員非常親切有禮貌，大力推介！