Video
Read full review
2013-07-05
4859 views
一直都好想試呢間「傳說中」的餐廳，但係先後三次都因為冇位既關係被迫過門而不入，幾乎肯定冇book位係一定入唔到去架！這間餐廳在中環打工仔中薄有名氣，唔係因為佢特別好食或者服務特別好，而係佢出名「大件夾抵食」，$100都唔駛又魚生飯又前菜又湯又dessert咁，平到笑！今次終於的起心肝，喺前一日放工前訂枱先勉強可以喺星期五12點既prime time book到最後兩個位。餐廳位於中環嘉咸街，由蘭芳園路口行入去三分鐘都唔駛就到。餐廳非常之細，驟眼望落去應該30個坐位都冇。因為租貴既關係，位同位之間都十分之迫，不過如果有好野食又有乜所謂呢！是日叫咗「不可不試」既北海道魚生飯。廚房好快手，唔駛三分鐘前菜，沙律同埋麵豉湯已經埋位。前菜係簡單但不平凡的薯蓉。入口既第一個感覺已經知道唔係喺街邊求其買返黎既KFC之流。薯仔打得好碎，所以有入口即溶既感覺，而其中更加入左紅蘿白粒同埋青瓜片，令到佢不但有軟滑既感覺之餘亦不失爽口既口感，激讚！至於沙律同味噌湯方面，坦白講冇乜野特別，算係不過不失啦，不過以咁既價錢有百幾蚊一個set lunch既質素，坦白講絕對收貨！北海道魚生飯︰非常喜出望外！Portion
今次終於的起心肝，喺前一日放工前訂枱先勉強可以喺星期五12點既prime time book到最後兩個位。餐廳位於中環嘉咸街，由蘭芳園路口行入去三分鐘都唔駛就到。餐廳非常之細，驟眼望落去應該30個坐位都冇。因為租貴既關係，位同位之間都十分之迫，不過如果有好野食又有乜所謂呢！
是日叫咗「不可不試」既北海道魚生飯。廚房好快手，唔駛三分鐘前菜，沙律同埋麵豉湯已經埋位。前菜係簡單但不平凡的薯蓉。入口既第一個感覺已經知道唔係喺街邊求其買返黎既KFC之流。薯仔打得好碎，所以有入口即溶既感覺，而其中更加入左紅蘿白粒同埋青瓜片，令到佢不但有軟滑既感覺之餘亦不失爽口既口感，激讚！至於沙律同味噌湯方面，坦白講冇乜野特別，算係不過不失啦，不過以咁既價錢有百幾蚊一個set lunch既質素，坦白講絕對收貨！
北海道魚生飯︰非常喜出望外！Portion比我想像中仲要大，三文魚、帶子、三文魚籽同埋海膽全部都有齊之餘仲非常新鮮添！特別要提一提D海膽，入口時第一口既感覺係「正呀」，D新鮮到仲有少少海水味既海膽喺舌頭上面溶化緊既感覺真係好正！主角三文魚亦一如我所料交足功課，就咁數已經數到at least 有6塊魚生，而每塊重要厚到好似刺身咁既厚度添！口感方面，魚既脂肪同魚肉既比例啱啱好，所以唔會太瘦、太鞋口之餘亦都唔會有「肥腍腍」既情況出現！不過喺度亦都要彈一彈D配菜。雖然D酸薑既味道剛剛洽到好處，但係D葱就有少少over左。其實，店家可以考慮改用比較短D同幼D既葱，甚至全部cut晒佢都可以，事關將無炒過、仲有陣陣「田園氣息」既青菜放喺溝左醋既日本米上面真係有D奇怪呀！
糯米磁︰千其唔好睇少呢舊飯後甜品。雖然好明顯一睇就睇得出係維記果D cheap野之流，但係喺食完魚生飯之後食既話就可以neutralise返日本豉油既鹹味同埋味精，如果唔係成個下晝就要不斷non stop咁飲水喇！
老實講，$98既set lunch 當然唔可以expect佢會有五星級酒店既格局，服務以至配套。不過，對於好似我呢D講求食物質素多過其他不設實制既浮誇野既人，呢到絕對係抵到爛之選！
Post
