Video
Read full review
2019-11-01
863 views
午市套餐望落唔錯仲包埋飲品。👓09. 韓式豬肉鐵板配白飯 $55肉量真係好多，一個人真係食唔晒。比較適合嗰啲食量好大嘅地盤佬或者真係超級大食肚餓嘅人。但味道比較普通一啲都唔韓式feel，就咁淨洋蔥撈豬肉加啲醬油再審上黑胡椒，似屋企自己煮餸。太多肉啦實在食唔晒，擺得耐又開始變硬。寧願佢比少啲肉加啲泡菜蔬菜絲好過，起碼惹味啲似返韓國菜。評分：5.5/10👓10. 韓式雞肉鐵板配白飯 $55一上枱嗰陣好驚：下 又係咁大兜 仲要一樣樣嘅？！同樣肉類好多、味道一樣，雖然雞肉都淋，但整體上豬肉好食啲！我覺得鐵板餐一定要同人share唔可以自己食晒，分量多之餘食食下好寡。評分：5/10嗱都話差唔多樣㗎啦🤧左雞右豬餐飲叫咗熱同凍柚子蜜，正常味道唔太甜太淡。👓韓式蔥餅 $32呢個反而幾好食推介👍🏻餅底唔係平時泡菜餅嗰啲粉漿而係有少少似酥皮底，似酥餅，唔係太厚身薄薄地。好多蔥蔥味十足。整體餅唔算太油身，脆身香囗。即使係晏晝叫個同人share食都唔錯。另有醬汁酸酸甜甜加咗芝麻同麻油，點黎食蔥油餅反而變得冇咁乾身仲有仲開胃嘅感覺。評分：8/10
午市套餐望落唔錯仲包埋飲品。
👓09. 韓式豬肉鐵板配白飯 $55
肉量真係好多，一個人真係食唔晒。比較適合嗰啲食量好大嘅地盤佬或者真係超級大食肚餓嘅人。但味道比較普通一啲都唔韓式feel，就咁淨洋蔥撈豬肉加啲醬油再審上黑胡椒，似屋企自己煮餸。
太多肉啦實在食唔晒，擺得耐又開始變硬。寧願佢比少啲肉加啲泡菜蔬菜絲好過，起碼惹味啲似返韓國菜。
評分：5.5/10
👓10. 韓式雞肉鐵板配白飯 $55
一上枱嗰陣好驚：下 又係咁大兜 仲要一樣樣嘅？！
同樣肉類好多、味道一樣，雖然雞肉都淋，但整體上豬肉好食啲！
我覺得鐵板餐一定要同人share唔可以自己食晒，分量多之餘食食下好寡。
評分：5/10
嗱都話差唔多樣㗎啦🤧左雞右豬
餐飲叫咗熱同凍柚子蜜，正常味道唔太甜太淡。
👓韓式蔥餅 $32
呢個反而幾好食推介👍🏻餅底唔係平時泡菜餅嗰啲粉漿而係有少少似酥皮底，似酥餅，唔係太厚身薄薄地。好多蔥蔥味十足。整體餅唔算太油身，脆身香囗。即使係晏晝叫個同人share食都唔錯。
另有醬汁酸酸甜甜加咗芝麻同麻油，點黎食蔥油餅反而變得冇咁乾身仲有仲開胃嘅感覺。
評分：8/10
Post
