創味坊 (Closed)

今日夜晚去長沙灣體育館打波之後，打完波真係好肚餓就同朋友去搵好野食啦，我地一行４條友，都諗唔到食咩好，所以周圍行下。行到咁上下見到創味坊見個外觀都唔錯，所以決定左食而一間。我太肚餓，所以決定左叫左一個創味坊珍寶雜扒餐黎食等緊餐黎既時候發現到餐廳的室內設計真係好用心，環境寛敞，中間有ｂａｒ枱位，門口旁邊有卡位，坐唔到位食飯真係別有另一番風味，而且餐枱上都印有唔同的圖案好精美。速度都幾快，好快就有個前菜個扒類套餐有埋餐湯同蒜厚多士，麵包外脆內軟，食落去有陣陣既蒜香味。而個主菜當然係個雜扒餐，份量極多，對於岩岩做完運動的我黎講，真係好滿足，３塊扒都係好厚，切落去果下見到Ｄ肉汁流出黎，好吸引最後我地叫多個鹽酥雞中翼＋脆薯角，個薯角是新鮮炸起，雞翼的外皮香脆，肉質鮮嫩。食完之後好滿足，份量多好岩我而Ｄ做完運動，同大食既人，味道又好味。