無極冰廳 (美暉大廈) (Closed)

灣仔居然有大份又抵食既早餐食！呢間係灣仔唔太起眼既冰室內藏住驚喜早餐，大份到食完連午餐都唔洗食！蕃茄濃湯通粉伴厚切午餐肉 $45呢份早餐非常豐富，通粉再配上北海道3.6牛乳炒蛋再加一個迷你菠蘿包，食完超級滿足！炒蛋用上日本3.6牛乳炒出黎，蛋味香濃之餘好滑身夠濕潤帶有陣陣既牛乳味道。另外配上一個菠蘿包，真係唔係間間餐廳食早餐會配上菠蘿包，包身夠軟熟，個包菠蘿酥皮好夠脆！蕃茄濃湯通粉伴厚切午餐肉，兩大塊勁厚切既午餐肉等同於半罐咁濟！一啖咬入口唔需要就住食，滿口都係午餐肉！蕃茄濃湯用上新鮮蕃茄煮出，酸味足夠而且濃濃既蕃茄味愈食愈開胃。通粉份量多，口感唔爛有彈性，所以不知不覺就會食晒成碗，非常之飽牛奶麥皮配炒蛋+迷你菠蘿包 $42牛奶麥皮好香好滑，麥皮量唔會太少亦都唔會煮得非常杰身，比例合宜。味道上適中唔會太甜，入口夠滑。食之前建議可以先攪一攪以免糖份既甜度落晒去底到。牛奶麥皮配埋炒蛋同菠蘿包一齊食，夠健康又飽肚。