和記廚房

Open Now

Now Closed

好耐未食過大排檔，於是經朋友介紹就嚟到荃灣香車街市上面嘅熟食中心「和記廚房」試吓依度啲嘢食。七點幾嚟到已經爆曬人，好彩我哋只有一行三人好快就有位，而且有冷氣房位，一啲都唔焗。因為朋友有濕毒要戒口，我地只可叫清一點，最後叫左三餸一湯。先來介紹一下呢個黃金豆腐，上枱嘅時候熱辣辣食落香口，入面啲豆腐仲要好滑，值得推介。嘟嘟煲通菜，一上枱已經聞到蒜香嘅味道，估唔到呢度啲通菜煲份量好多，而且唔係老嘅菜，送飯食都得。胡椒豬肚湯，大大煲又多豬肚同咸菜，胡椒份量又多，好暖胃。粟米斑塊，份量多，但可惜有小小厚粉減左分呢度員工都好Nice，原本我哋叫三個白飯，但佢同我地講白飯份量好多可以先叫兩個唔夠再叫多個。