和記廚房

Open Now

Now Closed

探尋地道小炒，原來可以咁色彩斑斕！喺呢一間餐廳，我就嚐到咗呢種「街味」。先講講招牌炸豆腐，外皮香脆得嚟唔油膩，一啖咬落去簡直係脆滑嘅完美交響曲😋。佢哋嘅避風塘炒蟹嘅勁道真係夠晒鑊氣🔥，撲鼻香辣，蟹肉又肥美得黎易拆，食一啖已經深深被征服！嘗試咗啲梅子骨，又酸又甜，個味就正喇！同時清香嘅梅子粉撲喺上面，每一啖都令人心花怒放。而啫啫嘅豬潤同雞肉，滑溜溜嘅口感，真係食一啖就忍唔住想食多一啖。食罷，簡直係心滿意足，而且四周環境清靜，好啱同三五朋友嚟鬆一鬆。總之，呢家餐廳嘅味道純正夠晒正宗😌，等待下次再尋味嘅機會啦！

最近想試多d唔同gei中菜, 諗緊可能呢類大排檔應該煮野食會好夠鑊氣, 而且次次都見好多人, 所以就試下。椒鹽九肚魚 - 呢間d椒鹽味好足夠, 雖然未去到非常出色, 但都唔錯豆腐火腩煲 - 豆腐有酸酸gei感覺, 質素比普通餐廳失色沙拉骨 - 呢個做法比較特別, 同出面gei沙拉骨唔同, 係有少少驚喜, 酸酸味味, 少開胃, 不過d豬肉有d韌整體而言, 相比1般大排檔質素差, 食物唔算好有鑊氣, 試1次就夠。

本來對街邊大排檔冇咩期望，點知有意外驚喜🥸 海鮮雞蟹煲湯底充滿濃濃海鮮風味，好暖胃，個湯好好飲，忍唔住飲咗兩三碗。湯底嘅海鮮配料都唔會hea你，啖啖蟹肉，嫩滑雞件，鮮蝦彈牙，加埋醬油有提鮮之效。要彈嘅係蜆仔勁細粒，疑似有沙🥶 其他單點配料正常，無咩特別，正常質素，個湯底特別可取🤣🤣🤣店員姐姐服務好好，做野快手，間唔中仲會走過黎同我地傾兩句！

跟好友打完網球，經過荃灣，來到這一間比較多人嘅大排檔。香港幾乎所有露天嘅大排檔已經執笠了。幸運地碰上了這一間，我們點了豉椒鮮魷，小炒王，椒鹽豆腐，京都骨，辣椒炒通菜及豉油王炒麵。所有小炒鑊氣充足，推介豉椒鮮魷及小炒王。椒鹽鮮魷及椒鹽豆腐，都是熱辣辣脆卜卜，鮮魷新鮮。至於小炒王，材料也很豐富，有蝦乾，魷魚，花生及腰果粒，配上蒜心，香口好吃。大家一行幾人，飲醉啤酒食好味嘅小炒，過咗愉快嘅一晚。叫咗六碟餸，飲埋啤酒，每人夾埋都係$150。下次一定會再食。

首先……鑊氣唔夠！！完全唔似大排檔水準大排檔黎講依間真係唔掂👎🏻都算係經典。。。。個焗魚腸簡直垃圾 係難食🤮🤮都成$108仲諗住呢個價有返咁上下,60蚊都嫌多叫墨魚餅佢比左蝦餅 但都食唔出係咩餅😂叫水煮豬雜變豬肉 啲野錯哂！！仲要唔係平，總括又貴又難食🙄🙄🙄個小炒皇極之普通 自己係屋企炒仲好食過佢！！3個人食$530🤷🏼‍♀️🤷🏼‍♀️🤷🏼‍♀️4個餸4枝啤酒食到一肚氣比錢貼難受🥵最後同朋友去買KFC食都無甘嬲

夜晚放工肚餓，又唔想食太多，於是去叫了兩個小炒食。。.蝦醬粉絲蝦煲好味度：⭐️⭐️⭐️粉絲有少少偏硬，但蝦膏味都幾足夠😀本身來果陣係咁樣，下面同朋友重擺靚d🙈..豉汁蒸大鱔好味度：⭐️⭐️⭐️⭐️味道剛好，唔會太咸，而且豉汁味蒸魚真係好正😋👍🏻👍🏻

這晚又來這街坊名店 ...娘娘一向有選擇困難症，我還是先來瓶啤酒，吃花生，看電視。快踏入盛夏，現在通菜當造，來個“椒絲腐乳通菜”，腐乳夠鮮，火侯十足，菜梗和菜葉都還脆綠，上桌時熱噴噴，是大排檔才有的風味。“酥炸生蠔”，是蜂巢式脆漿，酥脆，蠔肉剛熟，還很嫩滑，師傅功夫一流。“水煮牛肉”，牛肉沒乸過的味道，紋理很清晰，肉質鮮嫩，荳芽和其它菜蔬沒有煮得過火，還很爽脆，東西都吃光了，我們還把湯汁打包回家「循環再用」呢！

極度難食，尤其炸嘢，無咗食物原味，全部都係粉，味道超鹹，難以入口，極度負評，而且價錢唔係平，$158六隻酥炸蠔，難食兼貴，不值一試，水準極差，西檸雞又係咁，未試過一間大排檔嘅西檸雞可以整到咁難食，基本上大排檔都會整到唔錯水準，好難整得難食，但呢間真係整到好難食，西檸汁整到變西檸水，椒鹽鮮魷相信食打冷都必叫，但如果食落去成口粉，無其他味，應該都唔會想食，金銀蛋燕菜直情硬到要退咗轉其他菜，完全落唔到口，唔會再食第二次，真係垃圾

西檸雞毫無雞味得個粉字，金銀蛋娃娃菜，我未食過娃娃菜咁難食嘅娃娃菜，啲炸嘢完全得粉字，真系唔掂令我味蕾極之受傷，精神極為不佳，不單單淨是難食，完全貨不對板！！！

香車街街市這小酒家，一向是這附近街坊的名店之一，我也沒有例外，它水準穩定，選擇又多 ... 這晚，娘娘突然說要吃大排檔，但又要乾淨的那種，於是這裡就是不二之選。先來個“椒絲腐乳炒通菜” ... 大排檔出品，熱辣辣，香噴噴，通菜夠新鮮，夠嫩滑，蒜蓉和辣椒份量適中，雖然只是清菜一碟，但就如玉盤珍饈一樣，瞬間已“照鏡”。“蒜蓉開邊蒸蝦”，蝦雖然BB了點，但很新鮮，蒜蓉豉油汁味道鮮美，害得我們吃了兩碗白飯“酥炸生蠔”，又是生蠔小了些，不過底味足夠，火候適中，蠔還帶著一點汁，一個字，鮮！由於蝦和蠔都小隻，感覺好像沒吃過什麼，於是最後多點了一道“菠蘿炸大腸” ... 味道好，皮夠脆，酸甜汁也不錯，但比較韌，扣了點分，不過，我太愛吃菠蘿了，雖然那只是罐頭糖水菠蘿，但都給我吃光了。

新加坡一別，已經年半🥲是日晚飯除咗幾兄弟聚首一堂，更邀請亦師亦友既中學老師一同相聚😌老師男朋友是荃灣地膽，相識滿天下，知道要同舊生食飯，主動幫忙訂海鮮及餐廳。廿四孝男朋友👍🏻其實食海鮮，最緊要新鮮，但廚房功力及調味係絕對可以令成件事昇華！薑蔥炒蟹 兩隻肉蟹一隻膏蟹！蟹本身已經夠鮮！仲啖啖肉添！再加上廚房大哥既魔手，非常好味！豉油王煎花竹要知道煎到每隻蝦都咁入味，唔係間間大排檔都煎到。相信蝦係先走油再煎！蝦肉又夠實好味蒜蓉粉絲蒸蟶子王蟶子夠大隻呢個難度唔高，主要都係調味同蒜既時間，但真係要讚d海鮮！！竟然係香車街街市樓下買架咋！脆炸豬手 皮炸得好脆，肉唔算好實同太「難」！不過不失之作！脆皮西施豆腐外脆內軟！好好食！呢個可以一試！ 其實仲有叫乳鴿，不過無影相！乳鴿都係不過不失！如果可以再多d肉汁就最好了*要讚一下老師男朋友既關係！係香車街街市入面海鮮檔買到呢d海鮮！價錢唔貴喎！$800蚊 加工費$400 個人覺得加工費可以👍🏻因為自己未試過買海鮮去加工！希望大家唔好見笑🙏🏻下次要去下其他地方試下買海鮮加工貴唔貴先另外散叫同野飲加埋$624 加埋$1200海鮮同加工 人均$260 👍🏻👍🏻👍

好耐無打過食評喇...因為實在太忙呢排...呢間大排檔成日都幫襯,有人情味, 而且非常抵食,碟頭又夠份量, 就算全男班都唔驚唔夠食!!最緊要味道好味, 平靚正, 性價比非常高!!值得推介!! 而且服務質素大排檔黎講算好好!!有機會黎幫襯試下啦!!

位於香車街街市大排檔嘅和記廚房，一直俾我嘅感覺，都係一個字，快！CP 值雖然唔係好高，但係都算親民。所以耐唔耐都會去食晚飯。粉絲蒸開邊蝦。蝦唔係好大隻，不過就夠晒味，仲粉絲同豉油，用黎撈飯超級好食。德國咸豬手，上菜仲好熱辣辣，仲已經骨肉分離，好方便，非常親切。肉味夠，唔會太咸。不過皮就炸得唔夠脆，好黐牙。時菜鮮魷，普普通通，賣相唔夠靚，不過魷魚就幾好食，夠彈牙。係啲茶咸左啲。送嘅海蜇冷盤，雖然話係冷盤，但係凍啲會再好食啲。不過送嘅，就無謂嫌太多🤣🤣。

成日經過但無入過去食，食後感係會再去！宵夜時段餐廳選擇吾多，又要好味抵食真係無咩得揀，如果幾個人食，呢間係吾錯，雖然環境係殘舊左d，可能坐得無咁舒適，但每碟都係最平百元內有找，份量大大碟，亦夠惹味，黃金鮮尤非常正，下次會想試黃金蝦球。

不停的home office, 面對四面牆，讓人很抑鬱。今天終於能夠出外抖抖氣。約了不停的home office, 面對四面牆，讓人很抑鬱。今天終於能夠出外抖抖氣。約了一班好友去食大排檔，就係 「和記廚房」必點精選：安格斯牛柳粒配薯仔 (特別鍾意薯仔, 可能炸過好香口)椒鹽雞軟骨(炸得剛剛好, 送飯一流)西施豆腐(外脆內軟, 好食到忘記拍照)因為食肆在街市上, 下面是垃圾站說不上一流環境, 但內部乾淨衛生也不會嗅到任何異味，可以放心！