Muse Burger (Closed)

經過銅鑼灣與灣仔中間新開漢堡店，位置喺一間酒店大堂半開放式。本身諗住試下招牌漢堡，原來menu 有全日早餐，作為ADB控嘅我, 梗係唔放過!$100有找超抵食，加28蚊升級至套餐連小食嘢飲。本身諗住揀番薯條，店員好心提醒本身ADB已經有, 就轉咗個勁多粟米同蘑菇嘅餐湯。嘢飲$18升級士多啤梨檸檬紅茶。酸酸甜甜好解渴，茶味仲有回甘。一上菜見到勁大份，非常足料。黑松露蛋夠滑，聞到陣陣超香松露味。連咁啱經過準備check in嘅同胞大媽都望到眼鯨鯨唔願行。佢嘅友人都忍唔住問佢「看啥？」 麵包用牛油烤過，煙肉唔太鹹，番薯條可以再脆啲 。份量大到食到一半就已經飽咗～🙈