岩盤牛扒ミディアムレア ステーキ (Greenery Plaza ) (Closed)

之前去過另一間分店，一直都對佢嘅牛扒念念不忘，今次黎大埔終於又見到啦，二話不說即刻入去食番餐~~~ 一樣都係先排隊揀要咩部位同幾重，會即時磅俾你睇，再計番個價錢，然後等煮熟就拎得。今次試下牛柳，因為唔想咁肥，大約260克，升級套餐加配溫泉蛋、白飯同可樂。一拎到牛柳就聞到陣陣牛香味，切開仲見到血色，好吸引，可以按自己中意嘅熟度放上石板再燒一燒！牛柳肉質軟腍，我中意肉味唔會太濃，旁邊仲有柚子汁去油膩，仲有胡椒粉同玫瑰鹽調味。溫泉蛋好Q彈，食落口非常香滑，配上白飯一流！想食啲高質少少又唔貴嘅牛扒，依間係唔錯嘅選擇，佢仲有肉眼、西冷、牛板腱、後腰三角肉等等，而且係照重量黎計價錢，唔驚俾人搵笨~食完記得要自己將托盤放係回收站。