麻辣派對 (瑞生酒店) (Closed)

之前成日經過呢邊都畀呢間川菜嘅招牌吸引， 大大個招牌，用上川菜慣用嘅辣椒紅色， 今日終於有人陪我去食。店內裝潢還好摩登，食客應該有一半係國內同胞， 睇咗餐牌，叫了食川菜必食嘅水煮牛肉，回鍋肉，手拍青瓜。手拍青瓜要少辣， 賣相精美，青瓜爽脆，加上麻辣花椒，香口醒胃。回鍋肉， 份量大， 豬腩肉炒到脆卜卜，油脂迫了出黎，不覺肥膩。 高麗菜，雞蛋， 辣椒，大蔥等吸收了豬油香，豆瓣醬，非常惹味。水煮牛肉一上場就佔據了桌子大面積， 好紅好壯觀，裏面有大量牛肉，金針菇，水晶粉。 牛肉麻辣滑嫩，夾極都仲有，好抵食。滿足一餐。