JOMO Kitchen & Health Hub

Open Now

Now Closed

上一次朝早去Jomo想食少少嘢，不過冇乜輕食，所以食咗份全日早餐，好飽。而星期六日嘅lunch time都比較多人，所以今次揀咗一個比較肚餓嘅朝早嚟。兩個人分別叫咗手撕豬肉漢堡、牛油果雞肉墨西哥卷Burrito、Mocha 同pink smoothies 。手撕豬肉漢堡好大份，連沙律都係。手撕豬肉好入味，配蕃茄同酸瓜幾好食，可惜個包唔係好熱。油醋沙律食唔晒，因為太過單一，食多幾啖就有啲悶。如果佢有多少少純沙律菜以外嘅配搭，例如果仁、乾果之類，就有機會食得曬。上一次嚟飲flat white, 覺得冇乜咖啡味，今次轉飲mocha (nutty flavour)，都係冇乜咖啡味，似係一杯淡味朱古力奶。Pink smoothies 價錢稍貴，但真材實料，不會太甜，也不會有冰碎。有次外賣咗件兩件蛋糕，反而十分精彩，可能呢度嘅甜品比較出色。呢度色調舒服，我見都多family會嚟，不過枱就比較差，枱腳是交叉 support，我見每位食客都唔知將雙腳放喺邊好，一係就要踩上枱腳，或者跨過枱腳（但都會去咗隔籬位），如果唔係就要雙腳貼實，呢幾個姿勢都唔係太舒服。唔知係咪因為咁，見到有人楝起隻腳坐🤣。