新味館拉麵 (Closed)

呢日去朋友屋企玩, 未食午餐, 行經呢間新味館, 北方菜, 而且都多人食, 所以就試下喇。佢有小食同粉麵飯, 小食有小籠包, 餃子, 豆沙鍋餅等。粉麵飯有炒年糕, 湯拉麵同炒飯等等, 選擇都多。叫左柱侯排骨刀削麵, 揀左蕃茄湯底, 跟餐有一杯熱飲, 叫左熱豆漿。一開個外賣蓋, 見到成碗滿嘅排骨, 飲啖個蕃茄湯, 有啲似自己滾嘅蕃茄湯, 都幾好味。刀削麵可能自己削, 比較厚片, 好飽肚。排骨冇柱侯味, 但肉淋, 唔鞋口, 份量多。總結黎講$43一碗都幾抵食, 份量大, 2個細食嘅女仔可以share食, 味道正正常常, 下次可以試下炒年糕或炒麵。