Video
Read full review
2008-06-27
17 views
早幾日心情爛透, 放監後一定要搵d野做減下壓先得, 而其中一個最好嘅減壓方法莫過於大吃一餐, 於是師傅決定搵間從未試過而又好味嘅食店, 最後決定黎呢間!由於事出突然, 所以冇訂位, 一於去碰碰運氣啦! 入到餐廳, 侍應招呼入座, 兩個人坐底後即刻睇下有咩好食, 呢間餐廳一向以三文魚做主打, 所以食物點少得三文魚呢? 商量左一陣最後柯打左煙三文魚沙律, 法式焗田螺, 吉列小食拼盤同埋晚餐黑椒牛柳伴香煎法國鵝肝, 跟餐湯, 甜品同餐飲, 而餐湯就要左泡沫煙三文魚忌廉湯!最先登場係一籃法包, 有牛油同三文魚醬可以配法包一齊食, 三文魚醬係幾好味, 不過腥左少少, 而法包相當鬆軟, 十分好味; 再試下個泡沫煙三文魚忌廉湯, 賣相相當別緻, 三文魚粒都幾多, 不過一d都唔腥, 而忌廉湯亦非常好味, 好正; 接住落黎再試下個頭盤煙三文魚沙律, 煙三文魚沙律有五件煙三文魚捲成一舊, 煙三文魚煙得好香, 而且好大件下, 都幾抵食, 不過就食得多就有少少膩, 而沙律由蔬菜組成, 蔬菜好清爽係d芽菜比較腥, 不過配埋施撒汁相當開胃, 可以!法式焗田螺一客有六隻, 田螺焗得好香, 而且好腍好鬆, 味道唔錯,
由於事出突然, 所以冇訂位, 一於去碰碰運氣啦! 入到餐廳, 侍應招呼入座, 兩個人坐底後即刻睇下有咩好食, 呢間餐廳一向以三文魚做主打, 所以食物點少得三文魚呢? 商量左一陣最後柯打左煙三文魚沙律, 法式焗田螺, 吉列小食拼盤同埋晚餐黑椒牛柳伴香煎法國鵝肝, 跟餐湯, 甜品同餐飲, 而餐湯就要左泡沫煙三文魚忌廉湯!
最先登場係一籃法包, 有牛油同三文魚醬可以配法包一齊食, 三文魚醬係幾好味, 不過腥左少少, 而法包相當鬆軟, 十分好味; 再試下個泡沫煙三文魚忌廉湯, 賣相相當別緻, 三文魚粒都幾多, 不過一d都唔腥, 而忌廉湯亦非常好味, 好正; 接住落黎再試下個頭盤煙三文魚沙律, 煙三文魚沙律有五件煙三文魚捲成一舊, 煙三文魚煙得好香, 而且好大件下, 都幾抵食, 不過就食得多就有少少膩, 而沙律由蔬菜組成, 蔬菜好清爽係d芽菜比較腥, 不過配埋施撒汁相當開胃, 可以!
法式焗田螺一客有六隻, 田螺焗得好香, 而且好腍好鬆, 味道唔錯, 再試埋件碟嘅焗薯蓉, 薯蓉相當香口, 好好味; 吉列小食拼盤有炸魷魚鬚, 炸魚手指, 炸雞柳同炸薯條, 炸魷魚鬚炸得好鬆好脆, 炸粉唔厚, 勁好味; 炸魚手指有d搵笨, 一d都唔係魚手指, 係炸魚塊, 不過魚塊好鬆軟同埋唔腥, 幾好; 炸雞柳亦都炸得好香脆, 一d都唔乾身, 點少少燒烤醬一齊食, 確實惹味; 炸薯條就普普通通, 冇咩特別!
黑椒牛柳伴香煎法國鵝肝, 黑椒牛柳要左五成熟, 黑椒汁好香仲有少少辣, 牛柳肉汁夠加上好鬆身, 咬落好香好有口感, 好掂; 而鵝肝就煎得啱啱好, 不過鵝肝唔算最靚但亦不差, 不能做到入口即溶, 但亦未至於有老同乾嘅口感, 都勉強可以! 凍檸茶檸檬太少, 所以杯茶就麻麻, 而甜品因為師傅已經好飽, 所以冇試到!
總括黎講食物質素相當之好, 服務態度亦十分有禮, 環境都幾舒服, 但價錢唔算貴, 食咁多野埋單都係三百幾, 有咁好嘅質素著實抵食; 師傅食完一餐咁豐富嘅晚餐後, 心情亦都即時靚番晒, 大吃一餐果然有效; 有機會一定會再黎, 絕對食得過, 笑臉絕得值得比!
Post
