Video
Read full review
2024-09-08
357 views
放假Bu又帶我去食好野✌🏻今次去尖沙咀嘅「大同會所」食私房菜，大同主打懷舊經典粵菜，亦都係廣州大同酒家嘅家族主理，店內私隱度極高，有幾間大房啱晒一家人或者一大班朋友一齊享受一頓高質晚餐👍🏻店員會先送上自家製咸酸菜同花生開開胃，咸酸菜夠爽脆酸酸甜甜，花生亦都係即炒，香脆可口，令人食唔停口😋燕窩鷓鴣粥即矜貴又養生嘅鷓鴣粥，加入鷓鴣肉，金華火腿同燕窩，燕窩嘅份量確實足料，湯底味道鮮味濃郁，配上金華火腿令鮮味更加提升大蝦多士推介👍🏻酥脆金黃嘅大蝦多士以蝦仁同豬肉打成蝦膠，放上麵包再加入原隻鮮蝦去炸，咬落去外面脆卜卜裡面彈牙爽口，多重口感享受陳年滷水紅椒乳鴿必食推介👍🏻用新鮮乳鴿口感果然不同，皮脆肉嫩，再配上店家祖傳嘅陳年滷水汁，滷水汁經過長年烹調味道特別濃稠，香甜而不膩蝦子扒節瓜經改良過嘅菜式👉🏻蝦子扒柚皮，由於近年柚皮嘅味道會帶點苦澀，所以主廚就將佢改為節瓜，節瓜清甜多汁而軟稔，配上鮮味咸香嘅蝦子同蝦米令節瓜吸滿湯汁嘅精華蜜汁火方方包上印有「大同」字眼😆用上肥瘦適中嘅金華火腿以冰糖烹調加上酸酸甜甜嘅菠蘿可以大大減低油膩感，火腿色澤紅潤，油香鮮味，令人回味嘅菜式咖喱牛腩呢碟餸真係令我想食多兩碗
店員會先送上自家製咸酸菜同花生開開胃，咸酸菜夠爽脆酸酸甜甜，花生亦都係即炒，香脆可口，令人食唔停口😋
燕窩鷓鴣粥
即矜貴又養生嘅鷓鴣粥，加入鷓鴣肉，金華火腿同燕窩，燕窩嘅份量確實足料，湯底味道鮮味濃郁，配上金華火腿令鮮味更加提升
大蝦多士
推介👍🏻酥脆金黃嘅大蝦多士以蝦仁同豬肉打成蝦膠，放上麵包再加入原隻鮮蝦去炸，咬落去外面脆卜卜裡面彈牙爽口，多重口感享受
陳年滷水紅椒乳鴿
必食推介👍🏻用新鮮乳鴿口感果然不同，皮脆肉嫩，再配上店家祖傳嘅陳年滷水汁，滷水汁經過長年烹調味道特別濃稠，香甜而不膩
蝦子扒節瓜
經改良過嘅菜式👉🏻蝦子扒柚皮，由於近年柚皮嘅味道會帶點苦澀，所以主廚就將佢改為節瓜，節瓜清甜多汁而軟稔，配上鮮味咸香嘅蝦子同蝦米令節瓜吸滿湯汁嘅精華
蜜汁火方
方包上印有「大同」字眼😆用上肥瘦適中嘅金華火腿以冰糖烹調加上酸酸甜甜嘅菠蘿可以大大減低油膩感，火腿色澤紅潤，油香鮮味，令人回味嘅菜式
咖喱牛腩
呢碟餸真係令我想食多兩碗飯🤣咖喱汁非常濃郁，牛腩肉味濃而且又軟又腍，配上粉腍嘅薯仔同洋蔥絕對係一個送飯一流嘅菜式
大同蜜汁叉燒
上枱時已經非常吸引，熱氣騰騰，半肥瘦叉燒微微燶邊，色澤光亮裹滿蜜汁，入口先帶有一陣焦香味，口感鬆化而富有肉汁，高質而出色的廣東名菜
荷葉飯
每一粒米飯上都帶有荷葉嘅清香，加上冬菇、臘腸同臘肉令荷葉飯增添一份獨特嘅肉香，綿密軟熟嘅米飯充分滲透食材嘅香味，令人回味無窮
蟹油撈麵
超邪惡嘅蟹油撈麵🤩以鮮蟹加上辣椒香蔥去爆炒逼出鮮味嘅蟹油，撈入彈牙嘅幼麵之中，入口香辣鮮濃，就算食到幾飽都好都抵擋唔到呢碗麵嘅誘惑😋
二十年陳皮紅豆沙
紅豆已煲到起晒沙，入口綿密香甜，加上二十年年嘅陳皮令紅豆沙增添一份果皮香味，甜度亦啱啱好👍🏻成餐飯都好滿足，必定會再訪嘅私房菜😋
📍大同私房菜會所 (尖沙咀)
尖沙咀廣東道120號海威商業中心6樓
人均消費：$1000
食物：⭐️⭐️⭐️⭐️⭐️
環境：⭐️⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
Post
